Знайсці
12.03.2019 / 14:354РусŁacБел

Экс-начальніка галоўнага ўпраўлення спажывецкага рынку Мінгарвыканкама асудзілі на 14 гадоў калоніі

Сяргей Барысевіч, фота Вадзіма Заміроўскага

Былы начальнік галоўнага ўпраўлення спажывецкага рынку Мінгарвыканкама Сяргей Барысевіча за здзяйсненне карупцыйных злачынстваў асуджаны да 14 гадоў калоніі ўзмоцненага рэжыму, паведамляе БелТА.

Памер прысуду па гэтай справе склаў 429 старонак, суддзя зачытала толькі рэзалютыўную частку.

Пракурор 30 студзеня запатрабаваў для Сяргея Барысевіча 14 гадоў пазбаўлення волі ў калоніі ўзмоцненага рэжыму з канфіскацыяй маёмасці і пазбаўленнем на пяць гадоў права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў.

Сяргей Барысевіч быў затрыманы ў красавіку 2017 года. Тады КДБ выявіў і спыніў маштабную супрацьпраўную дзейнасць групы службовых асобаў на чале з начальнікам галоўнага ўпраўлення спажывецкага рынку Мінскага гарадскога выканаўчага камітэта. Фігуранты абвінавачваліся у тым ліку ў атрыманні хабараў ад прадстаўнікоў прыватных кампаній за спрыяльнае вырашэнне пытанняў аб заключэнні дагавораў (закупкi па завышаных цэнах) з падпарадкаванымі прадпрыемствамі і арганізацыямі. Акрамя Сяргея Барысевіча перад судом у ліпені 2018 года паўсталі яшчэ 12 чалавек.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера