Дзярждэп ЗША пракаментаваў інцыдэнт з мінай у багажы амерыканскага дыпламата ў Шарамецьеве
Улады ЗША ў курсе інцыдэнту ў маскоўскім аэрапорце Шарамецьева, дзе ў суботу супрацоўнік амбасады ЗША ў Расіі спрабаваў правесці ў багажы міну з выбухоўнікам, аднак пацвердзілі, што ніякай пагрозы іншым пасажырам аб'ект не ўяўляў.
Прадстаўнік Дзярждэпартамента паведаміў пра гэта ТАСС, пацвердзіўшы, што згаданы дыпламат пакінуў тэрыторыю Расіі.
«Сітуацыя была вычарпаная, і гэтаму чалавеку было дазволена пакінуць Расею пасля таго, як аб'ект [міна] быў канфіскаваны з яго багажу. Ніякай пагрозы ніводнаму з пасажыраў не было», — сказаў ён.
Супрацоўнік амбасады ЗША спрабаваў правезці ў багажы ў аэрапорт Шарамецьева ў суботу раніцай міну з выбухоўнікам, але без выбуховага рэчыва. Супрацоўнік дыпмісіі ЗША адбываў з Расіі па завяршэнні камандзіроўкі і сцвярджаў, што набыў пустую міну «для асабістай калекцыі».