Золатавалютныя рэзервы за люты выраслі, хоць і прыйшлося плаціць па даўгах
Фота БелТА
Міжнародныя рэзервовыя актывы Беларусі на 1 сакавіка 2019 года, па папярэдніх звестках, склалі 7 095,1 млн. даляраў ЗША (у эквіваленце), паведамляе прэс-служба Нацбанка.
За люты 2019 года золатавалютныя рэзервы выраслі на 77,5 млн. даляраў (на 1,1%) пасля зніжэння ў студзені 2019 года на 139,9 млн. даляраў (на 2,0%).
Прычым у лютым урадам і Нацбанкам выканана знешніх і ўнутраных абавязацельстваў у замежнай валюце на суму каля 431 млн. даляраў.
Павелічэнню ўзроўню золатавалютных рэзерваў у лютым спрыялі купля замежнай валюты Нацыянальным банкам на таргах ААТ «Беларуская валютна-фондавая біржа», паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, паступленне сродкаў ад продажу Нацыянальным банкам аблігацый, намініраваных у замежнай валюце.
Згодна з Асноўнымі напрамкамі грашова-крэдытнай палітыкі на 2019 год аб'ём міжнародных рэзервовых актываў на 1 студзеня 2020 года павінен скласці не менш за 7,1 млрд. даляраў
