Даслаць навіну
Знайсці
06.03.2019 / 21:04 15

Кіроўца паскардзіўся на ДАІ праз абразлівы надпіс у пашпарце — «пятух»

«Атрымліваецца, у пашпарце можа хто захоча накрэмзаць і такім дакументам дазваляецца цалкам спакойна карыстацца!» — абураецца ў размове з AUTO.TUT.BY сталічны кіроўца Сяргей. Ён сцвярджае, што пасля таго, як яго дакументы на дарозе праверыла ДАІ, у пашпарце з'явіўся рукапісны надпіс «петух» («певень»). У справе разбіраўся Следчы камітэт, а цяпер — Упраўленне ўласнай бяспекі МУС Беларусі.

Павялічыць выяву

У канцы студзеня пасля паўночы мінчук Сяргей ехаў разам з пасажырам на Volvo S80 па МКАД. У раёне вуліцы Скарыны кіроўца спыніў аўтамабіль па патрабаванні інспектара ДАІ.

— Дакументаў на машыну і правоў пры сабе ў мяне не было, таму супрацоўніку міліцыі я перадаў для праверкі пашпарт, да гэтага перагартаў старонкі, каб нічога старонняга там не было. Інспектар адлучыўся да патрульнага аўто, але даволі хутка вярнуўся назад, аддаў пашпарт і дазволіў ехаць далей, — распавядае сваю версію таго, што адбылося, аўтаўладальнік Сяргей.

Мужчына ад'ехаў, але раптам падумаў, што неяк хутка яго адпусціў супрацоўнік міліцыі, яму гэта нават здалося падазроным. На ўсялякі выпадак ён папрасіў свайго пасажыра праверыць пашпарт.

— Глядзім — а там на другой старонцы ручкай напісана: «Петух!». Я выразна памятаю, што ніякіх запісаў там не было.

Вяртацца да ДАІ Сяргей не стаў, але проста так справу ён не пакінуў: напісаў у Следчы камітэт заяву аб пашкоджанні дакумента, як мяркуецца супрацоўнікам ДАІ, і папрасіў разабрацца і прыцягнуць да адказнасці вінаватую асобу. З-за абразлівага надпісу Сяргей лічыў, што пашпартам будзе немагчыма карыстацца.

Падчас праверкі следчыя прагледзелі відэазапісы з рэгістратара, які быў усталяваны ў Volvo Сяргея, а таксама з персанальных відэарэгістратараў супрацоўнікаў ДАІ. Але нічога падазронага там не знайшлі.

— Паведамілі мне, што пашпартам можна карыстацца далей. Надпісу «петух» яны там не знайшлі, а напісаны нібыта нейкія сімвалы, — кажа Сяргей.

Сяргей абураны сітуацыяй і вынікамі праверкі. Мяняць пашпарт ён пакуль што не плануе, «раз ужо дзяржава так лічыць».

Тым не менш следства накіравала матэрыялы справы ва Упраўленне ўласнай бяспекі МУС Беларусі — па факце магчымага ўнясення запісу ў пашпарт Сяргея, для праверкі законнасці спынення яго аўто і праверкі дакументаў у кіроўцы.

0
Ян Севярын Бакей / адказаць
07.03.2019 / 15:36
тым чатырнаццаці,(адзін пісун, трынаццаць лізуноў,) што падзяку выдалі даішкіным (ад слова даіць, ніякая не памылка...) за хамства, трэба таксама прымусова ў пашпарт нешта накрэмзаць кшталту "муж козы"....ці там "пріподнятый наоборот.." ці "выделеніе із пішчеварітельной сістемы"...
2
AlesGut / адказаць
07.03.2019 / 15:58
Незразумела, навошта ён даў свой пашпарт у рукі прадстаўніку калябарацыйнай улады. Дастаткова было толькі прад'явіць.
4
Максим Дизайнер / адказаць
07.03.2019 / 18:13
Нет в/у написано. Как обчно, один из 10 комментаторов оказался умным
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30