Знайсці
06.03.2019 / 18:234РусŁacБел

Астравы Кука сабраліся змяніць назву

Улады Астравоў Кука хочуць перайменаваць дзяржаву. Пра гэта піша Reuters са спасылкай на словы старшыні камітэта Дэні Матароа, якому даручылі падабраць новую назву для архіпелага з 15 астравоў у Ціхім акіяне.

У краіне ўжо прыдумалі каля 64 варыянтаў новай назвы. Сярод іх — Рангіароа (Любоў з нябёсаў), Рароатуа (Мы стаім пад Богам).

Па словах Матароа, перайменаванне можа заняць каля двух гадоў. Верагодна, у краіне правядуць рэферэндум.

Астравы Кука названы ў гонар англійскага вандроўцы Джэймса Кука. Назву прыдумаў і пазначыў на карце расійскі мараплавец Іван Крузенштэрн.

З 1888 года выспы былі пад пратэктаратам Брытанскай імперыі, а ў 1901 годзе іх перадалі ва ўпраўленне Новай Зеландыі. З 1965 года Выспы Кука з'яўляюцца самастойнай дзяржавай у саюзе з Новай Зеландыяй.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера