Азаранка і Лапко сыграюць паміж сабой у першым коле Індыян-Уэлса. А пераможца двубою — з Серэнай Уільямс
Азаранка выйгравала турнір у Індыян-Уэлсе ў 2012 і 2016 гг.
Чатыры беларускія тэнісісткі возьмуць удзел у турніры катэгорыі «Прэм'ер» у амерыканскім Індыян-Уэлсе з прызавым фондам $ 9 млн, піша БелТА.
У першым раўндзе адзіночнага разраду паміж сабой сустрэнуцца беларускі: экс-першая ракетка планеты Вікторыя Азаранка, якая займае цяпер 48-е месца ў сусветным рэйтынгу, будзе сапернічаць з Верай Лапко, у якой 62-я пазіцыя. Пераможца паядынку згуляе ў другім коле з яшчэ адной былой першай ракеткай свету — амерыканкай Серэнай Уільямс, якая цяпер замыкае топ-10 рэйтынгу WTA.
Вікторыя Азаранка двойчы выйгравала турнір у Індыян-Уэлсе — у вырашальным паядынку 2012 года яна абыграла расіянку Марыю Шарапаву, у 2016-м — Серэну Уільямс.
Яшчэ дзве прадстаўніцы Беларусі Арына Сабаленка (дзявяты нумар сусветнага рэйтынгу) і Аляксандра Сасновіч (34) пачнуць выступы з другога раўнду.
Турнір завершыцца 17 сакавіка
