Прэс-канферэнцыя Аляксандра Лукашэнкі: топ-5 важных і топ-5 новых для яго заяў
Прэс-канферэнцыя доўжылася больш за сем гадзін. Мы выбралі дзесяць найважнейшых або новых для яго выказванняў.
«Я вялікіх надзей не пешчу ў плане Еўразійскага эканамічнага саюза. Занадта шмат рознагалоссяў і, што зусім непрымальна, эканамічны саюз пачынае ўсё больш палітызавацца».
«Несмяротны полк у Беларусі? Я катэгарычна супраць»
«Што зменіцца, калі я вось тут, у жывым эфіры скажу, што «Крым расійскі»? У Расіі адзін вечар узгадаюць, пашумяць і забудуць. А ва Украіне плюнуць у мой бок, скажуць: «Сабака!»
Я «ўчарашні дыктатар, а можа, і сённяшні».
«Новую Канстытуцыю нам давядзецца прымаць. Узмацняць іншыя галіны ўлады — заканадаўчую, выканаўчую».
«Калі ты народ, ты мусіш мець сваю мову»
«Стагоддзе — вялікая дата. Адсвяткавалі». Але не бачу падставы святкаваць 101-ю гадавіну БНР сёлета ў цэнтры сталіцы.
«Валянцін [Голубеў] і Зянон хацелі за адзін год зрабіць краіну незалежнай». «Яны гэтую вышыню [незалежнасць] спрабавалі ўзяць штурмам, як Украіна, а я гэта рабіў спакойна, памяркоўна. Ніколі Лукашэнка не быў супраць суверэнітэту і незалежнасці. І той жа Валянцін [Голубеў] і Алег [Трусаў] і іх дзеці, унукі з мяне спытаюцца. Я прэзідэнт той краіны, якую мы самі стварылі. Толькі я не маю права як прэзідэнт так крычаць: усіх паб'ём, усіх пасячэм за суверэнітэт». «Толькі я не хачу вайны, не хачу раздраю».
«Мы ўжо не тая Беларусь, якая была ў часы Валянціна Голубева і Алега Трусава, мы ўжо іншая краіна».
«Вельмі хацелася б, каб СМІ, якія пазіцыянуюць сябе як незалежныя, адчувалі мяжу дапушчальнага».
