Сусветны банк назваў 6 краін, якія дасягнулі гендарнай роўнасці. Спойлер: Беларусі там няма
Сусветны банк апублікаваў даследаванне «Жанчыны, бізнэс і закон». У ім названыя краіны, якім на 2019 год удалося дасягнуць гендарнай роўнасці. Іх шэсць: Швецыя, Бельгія, Данія, Францыя, Латвія і Люксембург.
Беларусь у гэтым даследаванні набрала 78,75 бала са 100 магчымых. Такія ж вынікі ў Замбіі, Украіны і Азербайджана. А вось у Расіі, напрыклад, менш: 73,13 бала.
Фота Сяргея Гудзіліна.
Горшая за ўсіх сітуацыя ў такіх краінах, як Сірыя, Катар, Саудаўская Аравія.
Эксперты ў сваім даследаванні звярталі ўвагу на тое, як у 187 краінах свету змянялася заканадаўства, як гэта ўплывала на правы жанчын. Сярод крытэрыяў ацэнкі таксама былі заробкі, уласны бізнэс, пенсійнае забеспячэнне, свабода перамяшчэння, шлюб і дзеці.
Найменш балаў Беларусі эксперты далі ў такіх катэгорыях, як «Працаўладкаванне», «Заробак», «Вядзенне ўласнага бізнэсу» і «Пенсія».
