Кампанія velcom аб'явіла пра новыя тарыфныя планы: ёсць перанос рэшты трафіку і безліміты
Кампанія velcom запусціла новае пакаленне тарыфных планаў «Камфорт». У абноўленай лінейцы павялічаны аб'ёмы ўключанага інтэрнэт-трафіку, дададзеная магчымасць яго пераносу на наступны месяц, а таксама прадугледжаны розныя опцыі безлімітнага інтэрнэту, якія дазваляюць адаптаваць абраны тарыф пад сябе.
Фота Shutterstock.com
Тарыфных планаў «Камфорт» цяпер чатыры: «Камфорт S», «Камфорт М», «Камфорт L» і «Камфорт XL». У залежнасці ад абранага тарыфу вар'іруецца аб'ём уключанага ў абаненцкую плату інтэрнэт-трафіку — ад 1 да 30 ГБ, а таксама колькасць уключаных хвілін для званкоў у іншыя сеткі — ад 50 хвілін да неабмежаванай колькасці. Усе «Камфорты» аб'ядноўвае безліміт званкоў унутры сеткі velcom. Пры гэтым абаненты таксама могуць падключыць галасавы безліміт для званкоў у іншыя сеткі за 6,90 рубля ў месяц.
У выпадку, калі інтэрнэт-трафіку ў абраным тарыфе недастаткова, карыстальнікам новых «Камфортаў» даступныя для падлучэння дадатковыя пакеты інтэрнэт-трафіку — ад 500 МБ да 3 ГБ.
Абанентам, якія аддаюць перавагу карыстацца безлімітным інтэрнэтам, у дадатак да свайго інтэрнэт-трафіку, які ўваходзіць у пакет, цяпер прадастаўляецца магчымасць падлучэння адной з дзвюх опцый безліміту на выбар. За 2,90 рубля ў месяц можна падключыць безлімітны інтэрнэт на хуткасці 512 Кбіт/с (дадзенай хуткасці дастаткова, напрыклад, для выкарыстання месенджараў), а за 5,90 рубля ў месяц — на хуткасці да 1 Мбіт/с. Пакет інтэрнэт-безліміту з хуткасцю да 1 Мбіт/с стане даступны для падлучэння ў найбліжэйшыя тыдні і дазволіць праглядаць «няцяжкі» кантэнт, выкарыстоўваць сацыяльныя сеткі і месенджары.
Адным з самых чаканых новаўвядзенняў стаў перанос нявыкарыстанага інтэрнэт-трафіку на наступны месяц. Нявыкарыстаныя гігабайты, уключаныя ў абанплату, цяпер не «згараць» з пачаткам чарговага разліковага перыяду, а будуць дададзеныя да новага штомесячнага пакета на наступны месяц.
Таксама ўсім абанентам новага пакалення «Камфорт» сталі даступныя для падлучэння безлімітныя інтэрнэт-пакеты для выкарыстання месенджараў, сацыяльных сетак, музычных сэрвісаў, а таксама відэасэрвісу ютуб.
| Камфорт S | Камфорт M | Камфорт L | Камфорт XL | |
| Хвіліны ўнутры сеткі | Безліміт | |||
| Хвіліны ў іншыя сеткі | 50 | 100 | 300 | Безліміт |
| Інтэрнэт-трафік | 1 ГБ | 7 ГБ | 15 ГБ + Безліміт на сацыяльныя сеткі і месенджары | 30 ГБ + Безліміт на сацыяльныя сеткі і месенджары |
| Перанос інтэрнэт-трафіку, уключанага ў абанплату | Да 1 ГБ | Да 7 ГБ | Да 15 ГБ | Да 30 ГБ |
| Кошт інтэрнэт-трафіку звыш уключанага ў абанплату | 1 кап. | |||
| Абаненцкая плата (у момант падключэння / праз 90 дзён), руб./мес. | 8,90 / 11,90 | 15,90 / 19,90 | 19,90 / 25,90 | 29,90 / 37,90 |
«Мы ўвесь час сочым за тым, як мяняюцца патрэбы нашых абанентаў у пакетных прапановах, менавіта таму сёння мы вывелі на рынак абноўленыя «Камфорты». Як і раней, нашым абанентам не трэба лічыць хвіліны размоў унутры сеткі velcom, яны ў нас безлімітныя, а вось інтэрнэт-трафіку стала значна больш. Дадаліся опцыі неабмежаванага трафіку на месенджары і сацыяльныя сеткі, YouTube і проста безлімітны інтэрнэт-трафік на розных хуткасцях. Пры гэтым, нягледзячы на сфармаваныя ў лінейцы пакеты, карыстальнікі новага пакалення «Камфорт» атрымалі магчымасць наладзіць свой «Камфорт» асабіста пад сябе, вызначыўшы, у які перыяд часу, у якіх аб'ёмах і на якіх умовах яны будуць карыстацца асноўнымі і дадатковымі опцыямі, каб рацыянальна кіраваць сваімі выдаткамі на мабільную сувязь», — пракаментавала перамены намесніца генеральнага дырэктара па спажывецкім сегменце velcom Ірына Савіна.
Дзейныя абаненты velcom змогуць перайсці на новыя «Камфорты», кіруючыся звыклай схемай: пры выбары тарыфу з эквівалентнай абанплатай і вышэй змена тарыфу будзе бясплатнай. Для новых абанентаў прадугледжана зніжаная абаненцкая плата на 90 дзён: з улікам зніжкі яна складзе 8,90, 15,90, 25,90 і 29,90 рубля ў месяц адпаведна.
