Скандал з Еўрабачаннем працягваецца: Freedom Jazz таксама адмовіліся ад удзелу, а Maruv запрасілі ў Маскву
Арганізатары маскоўскай прэ-паці міжнароднага песеннага конкурсу «Еўрабачанне» запрасілі да сябе ўкраінскую спявачку Maruv. Пра гэта ТАСС паведаміў прадзюсар канцэрта Дзмітрый Мельнікаў.
«Мы запрасілі ўкраінскую ўдзельніцу Maruv адразу пасля абвяшчэння пра яе перамогу ў нацыянальным адборы. Незалежна ад рашэння ўкраінскага тэлеканала зняць яе з конкурсу, мы будзем рады яе бачыць на прэ-паці, наша запрашэнне ў сіле», — сказаў Мельнікаў.
Паводле яго слоў, спявачка «вельмі спадабалася» фанатам «Еўрабачання», а відэазапісы яе выступу набралі вялікую колькасць праглядаў.
У той жа час трыа Freedom Jazz, якое заняло другое месца ва ўкраінскім адборы на Еўрабачанне, адмовілася ехаць на конкурс замест MARUV. Пра гэта музыканты паведамілі ў Facebook.
«Можа, калі-небудзь, мы яшчэ раз паспрабуем свае сілы ў нацыянальным адборы… Але толькі што мы атрымалі званок з нацыянальнай тэлекампаніі і хочам паведаміць, што адмаўляемся ад удзелу ў Еўрабачанні-2019», — гаворыцца ў паведамленні.
Трэцяе месца заняла група KAZKA.
Чытайце таксама:
Скандал з адборам на Еўрабачанне ва Украіне: спявачка Maruv не паедзе на конкурс
