Не горш за Рэкса і Мухтара: у Міры службовая аўчарка аператыўна дапамагла затрымаць злачынцу
Фота гродзенскай міліцыі
Здарэнне адбылося яшчэ пры канцы студзеня. У Карэліцкае РАУС паступіла паведамленне, што ў Міры скралі грошы, паведамляе абласная міліцыя.
На месца здарэння ў складзе следча-аператыўнай групы выехаў і міліцыянт-кінолаг, старшына міліцыі Раман Сапліца са сваёй вернай напарніцай Глорыяй.
Прыбыўшы на месца, сабака беспамылкова вызначыла напрамак, у якім збег злачынца, а неўзабаве прывяла да месца пражывання падазраванага.
А выкрадзеныя грошы вярнулі гаспадару.
Было таксама ўстаноўлена, што ў злачынцы ёсць саўдзельнік. Яго вышук і затрыманне не занялі шмат часу. Затрыманыя — 49-і і 28-гадовы мужчына — маюць за сваімі плячыма вялікі крымінальны «паслужны» спіс. За ўчыненае злачынства іх чакае чарговая судзімасць і турэмны тэрмін.
