Знайсці
23.02.2019 / 11:10РусŁacБел

У мінскім інтэрнаце ўначы адбыўся пажар: эвакуявалі больш за 200 чалавек, сямёра пацярпелі

23 лютага ў 01.02 у выратавальнае ведамства паступіла паведамленне аб загаранні блок-пакоя на другім паверсе дзевяціпавярховага інтэрната №1 «Гарызонт», што па завулку С.Кавалеўскай, 55, паведамляе 112.by

Высветлілася, што ў холе блока на 8 пакояў на другім паверсе адбылося загаранне маёмасці і мэблі на плошчы 12 кв.м. Работнікі МНС сумесна з адміністрацыяй аб'екта эвакуявалі з будынка інтэрната 223 чалавекі, у тым ліку 40 дзяцей.

Ужо пасля ліквідацыі пажару па медыцынскую дапамогу самастойна звярнуліся сем чалавек, у тым ліку чацвёра дзяцей, якіх даставілі ў бальніцы. Асноўны папярэдні дыягназ - атручэнне прадуктамі гарэння.

Пажар быў лакалізаваны і ліквідаваны ратавальнікамі. Разгляданая версія — кароткае замыканне электраправодкі.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера