Знайсці
22.02.2019 / 22:3615РусŁacБел

Эстонцы выратавалі з ледзяной ракі сабаку, а ён выявіўся ваўком ФОТА

На плаціне Сіндзі ў Эстоніі рабочыя ўбачылі, як ім здалося, сабаку, што захрас у лёдзе, піша Pärnu Postimees.

Змёрзлы воўк.

Калі замерзлага звера ўдалося дастаць з вады, ратавальнікі прынеслі з машыны лазневую прасціну, абматалі жывёлу і аднеслі ў машыну грэцца.

Мужчыны прыгледзеліся да жывёлы: лапы былі занадта вялікімі… Можа, гэта воўк? Патэлефанавалі зоаабаронцам, адвезлі жывёлу да ветэрынара. Падчас паездкі звер спакойна спаў на каленях аднаго з ратавальнікаў.

Ветэрынары таксама не адразу зразумелі, з кім сутыкнуліся. Але паляўнічы пацвердзіў: на ўласных каленах у машыне работнікі сапраўды сагравалі ваўка.

Па словах ветэрынараў, воўк ачуняў і зусім бадзёры.

Паколькі воўк добра сябе адчувае, яго адпусцілі ў лес. Але да гэтага — па просьбе агенцтва навакольнага асяроддзя — на звера начапілі радыёмаяк.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера