На венесуэльска-бразільскай мяжы пачаліся сутыкненні — загінула жанчына

У Венесуэле на мяжы з Бразіліяй у сутыкненнях з сіламі бяспекі загінула адна жанчына, яшчэ больш за дзесяць чалавек атрымалі раненні, перадае AP.

Прадстаўнікі індзейскага народа пемон уступілі ў сутыкненні з Нацыянальнай гвардыяй Венесуэлы і арміяй, якія перасоўвалі танкі да мяжы з Бразіліяй.

Сілавікі стралялі ў пратэстоўцаў гумовымі кулямі і ўжылі слёзатачывы газ.

У выніку загінула мясцовая прадстаўніца амерыканскага народа пемон. Тузін чалавек даставілі ў бальніцу.

21 лютага дыктатар Нікалас Мадура загадаў закрыць мяжу з Бразіліяй праз намеры лідараў апазіцыі завезці замежную гуманітарную дапамогу.

0

0

0

0

0

0