На месцы колішняга ўніверсама «Фрунзенскі» адкрыецца вялікі «Віталюр» з фудкортам
У Менску з 25 лютага закрываецца на рэканструкцыю першы ўніверсам «Фрунзенскі» каля станцыі метро «Пушкінская». Апошнія гады тут працаваў супермаркет Mart Inn. Хто гэты аб'ект купіў, што з ім плануюць зрабіць і калі адкрыюць у новым выглядзе, паведамляе TUT.BY.
Фота: Мая Кахно, TUT.BY
Універсам «Фрунзенскі» быў першым харчовым універсамам з самаабслугоўваннем у БССР, яго адкрылі па адрасе вуліца Пушкіна, 37 у 1975 годзе. Пазней доўгі час ён працаваў пад крылом прыватнай кампаніі ААТ «Універсам Фрунзенскі».
У 2013 годзе універсам планавалі знесці і пабудаваць на яго месцы шматпавярховы шматфункцыянальны комплекс з прадуктовай крамай на першым паверсе.
Эскізны праект 2013 года, які так і не ўвасобіўся.
Пасля ад планаў на такую рэканструкцыю адмовіліся. Краму толькі зачынялі на тры месяцы для рамонту, і ў 2014 годзе ў «Фрунзенскі» прыйша сетка Mart Inn. У студзені 2019 года шыльда з універсама знікла, а ў лютым з'явіліся аб'явы, што крама зачыняецца.
Як высветлілася, у студзені гандлёвы аб'ект у ААТ «Універсам Фрунзенскі» выкупіла кампанія «Віталюр», яна здавала плошчы сетцы Mart Inn, пакуль не скончыўся тэрмін арэнды.
Акцыянер «Віталюра» Віталь Яцук распавядае, што ў гандлёвай сеткі Mart Inn ёсць люты, каб пакінуць гандлёвы аб'ект. Пасля чаго тут пачнецца рэканструкцыя, а потым адкрыецца «Віталюр» з фудкортам.
