Даслаць навіну
Знайсці
21.02.2019 / 19:31 5

У Мсціславе ўчастковага звольнілі за гвалт. Пацярпелы вінаваціць 8 міліцыянтаў

Мсьціслаўскі раённы аддзел Сьледчага камітэту завёў крымінальную справу па факце ўжываньня гвалту супрацоўнікам міліцыі супраць двух грамадзян. Свабода пагаварыла з пацярпелым.

Павялічыць выяву

Першым інфармацыю апублікаваў ў Telegram блогер Nexta.

Ва ўправе Сьледчага камітэту Магілёўскай вобласьці паведамілі, што супраць былога ўчастковага інспэктара 1986 году нараджэньня была заведзена справа за перавышэньне ўлады ці службовых паўнамоцтваў, учыненае з карысьлівай або іншай зацікаўленасьці (3-я частка 426 артыкула КК).

Як стала вядома Свабодзе, ад гвалту ўчастковага інспэктара пацярпелі двое жыхароў вёскі Каробчына, якіх затрымалі за адміністрацыйныя правапарушэньні. Адбылося гэта 16 лістапада 2018 году ў памяшканьні Мсьціслаўскага райаддзелу міліцыі.

6 лютага 2019 году міліцыянта, які меў званьне малодшы лейтэнант, звольнілі, кантракт зь ім скасаваны датэрмінова, на яго завялі крымінальную справу.

Адзін з пацярпелых паведаміў Свабодзе, што будзе дамагацца пакараньня вінаватых у парушэньні ягоных правоў. Ён ведае, што супраць былога міліцыянта распачатая крымінальная справа і абставіны здарэньня яшчэ расьсьледуюцца. Мужчына настойвае, што супрацьпраўныя дзеяньні чыніў ня толькі звольнены ўчастковы інспэктар, але яшчэ і 7 ягоных калегаў.

«Таму я не зьбіраюся ўсю віну ўскладаць на аднаго, — кажа пацярпелы. — Там было 8 супрацоўнікаў у форме. Сямёра дагэтуль працуюць. Тое, што знойдзены «ахвярны казёл» — гэта мне не цікава. Проста так справу я не зьбіраюся кідаць».

Пацярпелы адмовіўся гаварыць пра абставіны інцыдэнту ў міліцэйскім пастарунку.

Сваяк аднаго з пацярпелых сказаў Свабодзе, што двое мужчын у дзень інцыдэнту прыйшлі ў пашпартны стол. Міліцыянтаў абурыла, што мужчыны нібыта былі нападпітку. Іх завезьлі ў пастарунак і там пачалі зьбіваць дубінкамі. Аднаму зь іх так пашкодзілі нагу, што пасьля давялося накласьці гіпс.

Другі пацярпелы пазьней таксама абяцаў выказаць Свабодзе сваю пазыцыю.

Міліцыянту, якога вінавацяць у перавышэньні службовых паўнамоцтваў, пагражае да шасьці гадоў пазбаўленьня волі.

Радыё Свабода

2
Матёрый / адказаць
21.02.2019 / 19:51
Бедные милиционеры. Теперь предётся в 63 года на пенсию идти. Грозит до 6. Но уволят задним числом. Через год, два снова могут взять.
0
Свободный / адказаць
21.02.2019 / 21:06
Что за дикость люди просто пришли к паспортистам жесть... страна шизы
0
bane / адказаць
22.02.2019 / 00:17
а на выбары-дурыбары шмат хто ідзе нетвярозы і яшчэ дабаўляе ў "школьным бары" !
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31