Даслаць навіну
Знайсці
21.02.2019 / 12:35 47

У Віцебскім універсітэце фонд «Русскій мір» арганізаваў святкаванне Дня роднай мовы — рускай мовы

Павялічыць выяву

Віцебскі дзяржаўны ўніверсітэт. Фота abiturient.by

Сайт Віцебскага дзяржаўнага ўніверсітэта імя Машэрава інфармуе аб мерапрыемствах, прысвечаных Дню роднай мовы. 

У раздзеле «Тыдзень роднай мовы паведамляецца» графік падзей: 

  • 18 лютага — падвядзенне вынікаў адкрытага абласнога конкурса «Мая родная мова — руская».
  • 19 лютага — […] замежныя студэнты чытаюць творы рускіх аўтараў. 
  • 22 лютага — круглы стол па праблемах выкладання рускай мовы як роднай, няроднай і замежнай. 

Павялічыць выяву

Скрыншот з сайта https://vsu.by

Цікава, што сайт фонда «Русскій мір» побач з навіной пра «Год рускай мовы ў ДНР» рапартуе і пра аналагічныя актыўнасці ў Віцебску. 

«У ВДУ імя Машэрава стартавалі мерапрыемствы, прысвечаныя Міжнароднаму дню роднай мовы «Твой мір — навек моя обітель». Праект рэалізуецца Віцебскім культурна-асветніцкім моладзевым таварыствам «Прасоўванне» пры падтрымцы фонда «Русскій мір», — гаворыцца на сайце. 

Фонд «Русскій мір» — гэта расійская арганізацыя, якая выдае грашовыя гранты на прасоўванне расійскага парадку дня. Пад культурніцкай абгорткай знаходзіцца палітычны змест — у радзе фонда кіраўнікі «Рассупрацоўніцтва», расійскія палітыкі і прапагандысты. 

Як сітуацыю тлумачаць ва ўніверсітэце? Пакуль ніяк. 21 лютага рэктар і прарэктары знаходзяцца на атэстацыі.

Павялічыць выяву

Рэктар ВДУ — юрыст Аляксей Ягораў. Нарадзіўся ў Пскоўскай вобласці Расіі, вышэйшую адукацыю атрымаў ва ўкраінскім Харкаве.

Адказаць на пытанні «Нашай Нівы» паспрабавала адна з намесніц дэкана філалагічнага факультэта, просячы не называць яе імя. 

«У мяне родная мова — беларуская. У нашым універсітэце розныя мовы гучаць, ёсць нават студэнты са Шры-Ланкі. А канферэнцыю ладзіць кафедра сусветных моў», — сказала яна. Тое, чаму у Дзень роднай мовы ўсе мерапрыемствы прысвечаны рускай, жанчына патлумачыць не здолела. 

«Усё ўзгоднена», — сказала яна пра абласны конкурс «Мая родная мова — руская». 

У Міністэрстве адукацыі сцвярджаюць, што такія пытанні таксама не да іх, а да, уласна, Віцебскага дзяржаўнага ўніверсітэта. Чаму ў гэтым універсітэце рэалізуе праекты фонд «Русскій мір», у міністэрстве таксама не ведаюць. 

Чытайце таксама: У Віцебскім універсітэце кіруючую пасаду далі абаронцы рускага свету, якая пераехала з Луганска

Таксама варта адзначыць, што да Дня роднай мовы беларускую забылі не зусім: ва ўніверсітэце быў консурс «Мова гучыць. Challenge», у рамках якога прапаноўвалася запісаць і выкласці ў інстастаграм пад такіх тэгам відэа з зачытваннем беларускамоўнага верша. 

Вядома, прызы за гэты конкурс выдае не фонд «Русскій мір», і нават не ўніверсітэт, а БРСМ. 

АЯ

2
Доктар / адказаць
22.02.2019 / 14:08
Напішыце ва ўніверсітэт лісты с пытаннямі "што за правакацыя?". Я даслаў учора ліст
1
Чарнарусь / адказаць
22.02.2019 / 14:32
Гражданин России, а на счёт паспортов вообще смешно. В Беларуси 8 процентов населения это русские, вот они и сваливают на историческую родину. Все так, как и должно быть
0
Жвір / адказаць
22.02.2019 / 14:44
меркаванне
Гражданин России, усе свае "счета" прад'яўляй лукашэнке. Яму быццам даёце, у яго і спытай. Беларусам ён справаздачы не робіць, куды грошы ад крамлёўскіх прэферэнцый скірдуе.
https://nn.by/?c=ar&i=225720#startcomments
На лыжы, гелікоптары, смагардавы горшчык і хакейную амуніцыю...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31