8 сакавіка — падарожжа на Масленіцу: гуканне вясны на шляхецкім хутары
Мінск — Крэва — Ашмяны — Гальшаны — шляхецкі хутар Родзевічы — Мінск.
Фонд «Краіна замкаў» запрашае ў першае веснавое падарожжа.
Шлях ляжыць да старадаўняга замка Крэва, пабудаванага вялікім князем Гедымінам сямсот гадоў таму.
Менавіта тут быў забіты Кейстут, адсюль уцякаў з дапамогай жонкі Вітаўт Вялікі, тут была ўкладзеная першая саюзная дамова з польскім каралеўствам. Пасля многіх гадоў забыцця замак зноў адраджаецца з руін.
Побач — утульны гарадок Ашмяны, некалі цэнтр вялізнага павета,
у які ўваходзілі і Маладзечна, і Валожын, і Смаргонь, і Мядзел, і Паставы. Удзельнікі экскурсіі змогуць агледзець велічныя касцёл і царкву, што ўзвышаюцца над старой плошчай, наведаем адзін з найлепшых рэгіянальных музеяў краіны, а таксама старадаўнюю сінагогу.
Наступны пункт — легендарны Гальшанскі замак, апеты Караткевічам.
У гэтай славутай рэзідэнцыі Сапегаў, XVII стагоддзя таксама ідзе рэстаўрацыя, аднаўляецца абарончая вежа і частка сцяны.
Але самае цікавае чакае на шляхецкім фальварку Родзевічы, за некалькі кіламетраў ад Гальшанскага замка: забавы, старасвецкія танцы, спаленне пудзіла зімы, фальклорны абрад «Гуканне вясны», смачныя масленічныя бліны.
Каб стаць відавочцамі і ўдзельнікамі гэтай дзеі ў непаўторнай святочнай атмасферы, можна запісацца на экскурсію па тэлефонах:
(17) 203-69-70
(17) 226-03-02
(29) 682-58-07
(29) 772-77-58
Болей інфармацыі — на сайце www.zamak.by.
Фонд «Краіна замкаў». УНП 690382807