Знайсці
19.02.2019 / 19:2515РусŁacБел

Юрый Туронак пасмяротна, а таксама Наталля Радзіна былі ўзнагароджаныя медалём БНР

9 лютага ў Варшаве галоўная рэдактарка сайта «Хартыя97» Наталля Радзіна была ўзнагароджаная медалём да стагоддзя БНР. Такі ж медаль атрымала ўдава выбітнога беларускага гісторыка Юрыя Туронка. На жаль, медалём да 100-годдзя БНР яго ўзнагародзілі пасмяротна, паведамляе charter97.link.

Узнагароду Радзінай уручыў прадстаўнік Рады БНР Аляксей Дзікавіцкі.

Быў зачытаны дэкрэт старшыні Рады БНР Івонкі Сурвілы аб узнагароджанні медалём галоўнай рэдактаркі «Хартыі-97» Наталлі Радзінай.

«Атрымаць гэты медаль ад Рады БНР для мяне - вялікі гонар. Беларуская Народная Рэспубліка - гэта сімвал нашай незалежнасці і свабоды», — сказала Радзіна.

Фота: Charter97.

18 лютага медалём БНР быў пасмяротна ўзнагароджаны выбітны гісторык Юры Туронак. Узнагарода была ўручаная яго ўдаве Зінаідзе Туронак.

Фота: Белсат.

Медаль, сярод іншых, атрымаюць пісьменнік Уладзімір Арлоў, пасол Швэцыі ў Беларусі Стэфан Эрыксан, акадэмік Радзім Гарэцкі, стваральнікі эталона дзяржаўнага герба «Пагоня» Аляксей Марачкін і Леў Талбузін і многія іншыя.

Медаль да стагоддзя БНР беларускі ўрад у эміграцыі ўручае «за прыжыццёвыя заслугі ў працы дзеля здзяйснення ідэалаў Акту 25 сакавіка 1918 года, у тым ліку за даследаванні і папулярызацыю беларускай мовы, здабыццё і ўмацаванне дзяржаўнай незалежнасці Беларусі, барацьбу за свабоду і дэмакратыю ў Беларусі».

Фота: Charter97.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031