Даслаць навіну
Знайсці
19.02.2019 / 17:07 6

Барановіча, які адбіваў анархістаў ад міліцыі, перавялі на паўтара года ў турму

Павялічыць выяву

Фота Улада Швядовіча

У папраўчай калоніі №1 г. Наваполацка 12 лютага завершылася судовае разбіральніцтва ў адносінах да Святаслава Барановіча, асуджанага за бойку ў тралейбусе з міліцыянтамі. На судовым разбіральніцтве, якое было распачатае яшчэ пяць месяцаў таму, разглядалася пытанне аб змене рэжыму адбыцця пакарання на турэмны, паведамляе spring96.org

Рашэнне суда было агучана толькі 15 лютага. Згодна з пастановай суда горада Наваполацка Святаслаў Барановіч «на астатнюю частку тэрміна адбыцця пакарання 1 год і 7 месяцаў і 20 дзён пераводзіцца на турэмны рэжым».

Суддзя Наваполацка Ф. Янюк, якая выносіла рашэнне аб змене рэжыму, спасылалася на 12 дысцыплінарных спагнанняў толькі за кастрычнік 2018 г. Гэтыя пакаранні Святаславаў абскарджваў у судзе горада Наваполацка і Віцебскім абласным судзе, але безвынікова.

Застаецца адкрытым пытанне, калі Святаслаў Барановіч будзе пераведзены на турэмны рэжым, бо знаходзячыся ў штрафным ізалятары (ШІЗА) ён працягваў атрымліваць пакаранні за дрэнную прыборку, неахайны знешні выгляд і іншыя. На сёння ён мае неадбытыя суткі ШІЗА і ПКТ. Невядома, дзе ён іх будзе адбываць у наваполацкай калоніі ці ўжо турме.

Яго сястра Наталля распавяла, што ёй вядома пра стан брата:

«Святаслаў знаходзіцца ў цяжкім маральным стане. Магчыма, гэта звязванае з тым, што Святаслаў працяглы час знаходзіцца ў ШІЗА, не мае зносінаў са знешнім светам і пастаянна атрымлівае рознага кшталту дысцыплінарныя пакаранні. Ад адваката вядома, што ён моцна схуднеў, згубіў каля 10 кілаграмаў вагі…»

Са словаў сястры Наталлі, з моманту, калі пачаўся судовы працэс (пяць месяцаў таму), Святаслаў ні разу не патрапіў у атрад. На нейкі час быў адпраўлены у памяшканні камернага тыпу (ПКТ), астатні час правёў у ШІЗА. У штрафны ізалятар забаронена браць уласныя рэчы, нават кнігі. У ізалятар нельга атрымліваць лісты, перадачы і карыстацца грашыма на рахунку. Пры такім рэжыме ён ізаляваны ад іншых зняволеных. У ізалятары ложак адкідаецца ад сцяны толькі на ноч, а на дзень вяртаецца да сцяны. У гэты час нельга спаць і ляжаць на ёй.

Падчас адбывання пакарання Святаслаў Барановіч на падставе нейкай «аператыўнай інфармацыі» быў пастаўлены адміністрацыяй калоніі на розныя ўлікі. На ўлік як «асоба, схільная да захопу закладнікаў і хуліганскіх праяваў» ён быў пастаўлены праз чатыры дні пасля таго як патрапіў у калонію. З-за дрэнна прышытай біркі, якую павінны насіць тыя, хто стаіць на такім уліку, ён першы раз быў змешчаны ў ШІЗА.

0
Медны канцлер / адказаць
19.02.2019 / 20:08
Ім было недастаткова пасадзіць годнага нявіннага чалавека, працягваюць катаваць, гнілыя душы.
0
Тутэйшы / адказаць
20.02.2019 / 12:32
государство-садист
каждый раз я говорю одно и тоже: что милиция, что суды, что чиновники - сборище садистов. 
Святослав сделал поступок, за что его мордовать? 
9
Ляксандра / адказаць
21.02.2019 / 07:51
Смотри,"жалостники" налетели на форум.Скорее из числа штатных "задержанцев".А "обиженный" реже руками махать будет.Если ум есть.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31