Лонданскі заапарк апублікаваў рэнтгенаўскія ЗДЫМКІ жывёл
Каманда ветэрынараў Лонданскага заапарка апублікавала падборку рэнтгенаўскіх здымкаў жывёл, якія былі зроблены падчас абследавання 18 тысяч насельнікаў заапарка.
На здымках добра бачныя шкілеты жывёл — жаб, змей, чарапах і яшчарак. Рэнтген застаецца адным з найбольш эфектыўных метадаў дыягностыкі, кажуць ветэрынары.
«Па рэнтгенаўскім здымку можна вельмі многае сказаць пра здароўе жывёлы — ад таго, наколькі моцная ў іх касцявая сістэма да таго, ці ёсць у іх захворванні сэрца», — кажа ветэрынар Хізэр Макінтош.
«Гэтыя здымкі неабходныя ў нашай працы. І хоць мы бачым гэтыя ўнікальныя здымкі даволі часта, мы ўсё роўна лічым, што яны вельмі цудоўныя», — кажа яна.
«Большасць людзей з лёгкасцю пазнае рэнтгенаўскія здымкі чалавека, але яны, хутчэй за ўсё, ніколі не бачылі рэнтген панцыра вялікага шчаціністага браняносца або хваста вялікагаловай чарапахі», — кажа Макінтош.
Яшчарка з сямейства геконаў — гекон токі.
Рэнтгенаўскі здымак шчаціністага браняносца.
Вялікагаловая чарапаха — невялікая прэснаводная чарапаха.
Маісавы полаз. Даўжыня яго цела можа дасягаць 1,8 метра.
Рэнтгенаўскі здымак арызонскага ядазуба.