Клічко параўнаў Зяленскага з пасажырам у кабіне пілота
Мэр Кіева, былы баксёр Віталь Клічко параўнаў кандыдата ў прэзідэнты ад партыі «Слуга народа» і шоумена Уладзіміра Зяленскага з пасажырам самалёта, які апынуўся ў кабіне пілота. Пра гэта ён сказаў у суботу падчас Украінскага ланча на Мюнхенскай канферэнцыі па бяспецы, паведамляе LIGA.net.
Клічко адзначыў, што яму незразумела, калі кандыдат у прэзідэнты піша сваю палітычную праграму метадам усенароднага ўдзелу.
«Я хацеў бы пракаментаваць кандыдатаў у прэзідэнты без палітычнага досведу. Даволі крэатыўна сказаць «давайце пісаць праграму разам з народам». Але гэта мне нагадвае пасажыра, які трапіў у кабіну пілота і просіць у пасажыраў парады, як узлятаць. Я не хацеў бы ляцець у такім самалёце», — сказаў мэр Кіева.
На думку Клічко, гэта вельмі небяспечная сітуацыя для краіны.