Магілёвец з'ехаў на пару дзён з інтэрната, заплаціўшы за яго наперад. У пакой усё роўна засялілі людзей, а тыя скралі яго рэчы
26-гадовы электрамантажнік заявіў у міліцыю, што з пакоя ў магілёўскім інтэрнаце ў яго скралі планшэт, мабільны тэлефон, мультыметр. Агульны кошт скрадзенага — 724 рублі, паведамляе sb.by.
Як аказалася, малады чалавек на пару дзён па справах з'ехаў з інтэрната, а сумку з рэчамі пакінуў у пакоі. За карыстанне пакоем ён заплаціў наперад, але туды тым не менш засялілі некалькі чалавек. Торба, якая стаяла ў шафе, прыцягнула іх увагу.
32-гадовы раней неаднаразова судзімы за крадзяжы магілёвец вырашыў распарадзіцца чужой маёмасцю па-свойму. Рэчы з торбы ён прадаў, а атрыманыя такім чынам грошы змарнаваў на сябе.
Злодзея ўжо затрымалі. Яму пагражае пакаранне аж да пазбаўлення волі да трох гадоў.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Беларусь распрацоўвае лазерную зброю
 1
Затрыманы расказаў, якія цяпер умовы на Акрэсціна
 4
Адзін з кіраўнікоў БХД абвінаваціў Рымашэўскага ў фальсіфікацыі подпісаў на выбарах-2010. Той адказаў
 12
Арыштаваны расійскі намеснік міністра абароны валодае дваранскай сядзібай у Маскве. Чым яна адметная?
 2
Каб скарыстацца календаром, калі ласка, актывуйце JavaScript у наладах свайго браўзера