Даслаць навіну
Знайсці
14.02.2019 / 22:48 21

БАТЭ сенсацыйна перамог «Арсенал» — 1:0 ФОТАРЭПАРТАЖ

Барысаўскі БАТЭ ў Дзень усіх закаханых правёў першы матч 1/16 фіналу Лігі Еўропы. У Беларусь прыехаў лонданскі «Арсенал». Два гады таму англійскі клуб ужо прыязджаў у Барысаў і тады гульня скончылася з лікам 2:4 на карысць «Арсенала».

Павялічыць выяву

Фота: Сяргей Гудзілін.

Перад матчам БАТЭ сутыкнуўся з шэрагам кадравых праблем. Каманду ў міжсезонні пакінулі многія гульцы, якія былі лідарамі каманды летась. У Сербію з’ехалі Неманья Мілунавіч і Мірка Іваніч, у Расію — Максім Валадзько і Дзяніс Палякоў, у Казахстан — Міхаіл Гардзяйчук.

Павялічыць выяву

Фота: Сяргей Гудзілін.

Плюс да ўсяго гуляць у лютым не зусім звыкла для беларускіх клубаў. Хаця два папярэднія досведы ўдзелу ў такой стадыі нельга назваць няўдалымі. У 2011 была нічыя дома з ПСЖ 2:2, а ў 2013 — 0:0 у хатнім матчы з «Фенербахчэ». Дома ў лютым БАТЭ пакуль не прайграваў.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Што тычыцца «Арсенала», то каманда змагаецца за тое, каб трапіць у Лігу чэмпіёнаў ад першынства Англіі, аднаго з наймацнейшых у свеце. У складзе каманды ў Барысаў прыехалі многія зоркі, як Мхітаран, Ляказэт, Чэх, Абамеянг, Касельні. Гуляць супраць такога суперніка няпроста ўсім.

Павялічыць выяву

Фота: Сяргей Гудзілін.

«Арсенал» мог забіваць, мабыць, ужо ў першай асэнсаванай атацы ў матчы. Ляказэт фактычна расстрэльваў ва ўпор нашу браму, але Дзяніс Шчарбіцкі паспеў зрэагаваць на мяч. Забі ў гэтай атацы «Арсенал», то гульня відавочна магла б скласціся па-іншаму.

Павялічыць выяву

Фота: Сяргей Гудзілін.

«Арсенал» шмат атакаваў у першыя хвіліны. Асабліва шмат небяспекі сыходзіла з левага фланга атакі лонданцаў. За славутымі супернікамі не заўсёды паспяваў Аляксей Рыас.

Павялічыць выяву

Фота: Сяргей Гудзілін.

Пад сярэдзіну першага тайма БАТЭ трошку асмялеў у атацы. І ўжо навабранец каманды Міліч правяраў Чэха пры ўдары ў блізкім куце. Славуты брамнік не схібіў.

Ключавы момант першага тайма адбыўся на апошняй хвіліне. БАТЭ атрымаў права на штрафны недалёка ад варот «Арсенала». Да мяча падышоў капітан каманды Ігар Стасевіч. І ягоны пас атрымаўся ідэальным. Першым на мячы быў Станіслаў Драгун, які галавой перавёў яго ў вароты — 1:0. Амаль паўнюткі стадыён выбухнуў у шчаслівым парыве.

Павялічыць выяву

Фота: Сяргей Гудзілін.

У другім тайме «Арсенал» валодаў ініцыятывай. Было адчувальна, што сілаў у гульцоў БАТЭ не так шмат. Але ніхто лонданцам так і не дапамог. Нават грозны форвард Абамеянг, які выйшаў на замену. Сенсацыйная перамога беларусаў — 1:0.

Гульня ў адказ адбудзецца праз тыдзень на стадыёне «Эмірэйтс» у Лондане. Шанец прайсці «Арсенал» стаў вельмі выразным.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Зміцер Панкавец, фоты: Сяргей Гудзілін

0
Жвір / адказаць
18.02.2019 / 11:44
Падзея запамінальная. Не дарэмна з'ездзіў паглядзець, гэта было таго варта. Дзякуй БАТЭ !
1
Жора / адказаць
20.02.2019 / 02:09
Какая смешная шапочка у вратаря в зеленой майке. Еще бы шлем одел как в американском футболе. Ахахаха 
0
Жвір / адказаць
20.02.2019 / 10:38
Заўтра будзе нештачка...:) З Арсэналя таго рагатала ўся эўропа, столькі кпінаў было...БАТЭ, трымайцеся, будзе горача...:))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30