Даслаць навіну
Знайсці
12.02.2019 / 16:58 5

У Жабінцы школьнік параніў нажом вартаўніка былой нафтабазы. У кампаніі быў сын чыноўніка райвыканкама

9 лютага на тэрыторыі былой нафтабазы ​​ў Жабінцы падлетак параніў нажом вартаўніка, паведаміў Tut.by чытач.

Павялічыць выяву

Фота: Анжаліка Васілеўская, Tut.by.

Трое маладых людзей патрапілі на тэрыторыю былой базы па захоўванні і перавалцы нафтапрадуктаў. Там іх заўважыў вартаўнік, які спыніў аднаго са школьнікаў і павёў у вартоўню. Двое іншых ішлі ззаду. Па дарозе ў вартоўню адзін з хлопцаў, якія ішлі за вартаўніком, дастаў нож і раніў мужчыну. З месца здарэння пацярпелага забралі медыкі.

Першапачаткова кампанія складалася з чатырох падлеткаў, але адзін з іх за плот комплексу лезці адмовіўся і пайшоў дадому.

З трох хлопцаў, якія трапілі на былую нафтабазу, двое — навучэнцы восьмага класа сярэдняй школы № 1 Жабінкі. Трэці вучыцца ў кадэцкім класе адной з навучальных устаноў Баранавіцкага раёна (раней быў вучнем той жа школы). Дырэктар СШ № 1 Міхаіл Савянкоў кажа, што яго навучэнцы характарызуюцца станоўча.

Па словах дырэктара, хлопчык быў «ціхі, спакойны, здольны», але апошнім часам паводзіў сябе замкнёна, не вельмі адказна ставіўся да ўрокаў. З падлеткам працавалі школьныя спецыялісты. Сям'я падлетка таксама паспяховая. Яго старэйшая сястра, якая ўжо скончыла школу, удзельнічала ў алімпіядах розных узроўняў, прывозіла граматы. На тэрыторыю нафтабазы ​​школьнікі трапілі з цікаўнасці:

— Я так зразумеў, што яны там не першы раз былі. Ім хацелася палазіць па лабірынтах. Быццам бы пад зямлёй там ёсць нейкае сховішча, — кажа дырэктар школы.

Паводле інфармацыі Tut.by, адзін з падлеткаў — сын кіраўніка справамі Жабінкаўскага райвыканкама. На мінулым тыдні хлопцу споўнілася 14 гадоў. У размове з Tut.by бацька школьніка пацвердзіў, што «такі момант быў» і дадаў, што цяпер у абставінах разбіраюцца праваахоўнікі. Ён таксама адзначыў, што на яго думку, падлетак нанёс удар нажом, бо спалохаўся:

— Справай займаюцца. Наколькі я ведаю, стан мужчыны добры. Яго не паклалі ў рэанімацыю.

10
вася чэсных / адказаць
12.02.2019 / 18:27
Дзмитро Александрыйски, а БРСМ хоть кого-то воспитало? У парня гормоны полезли, интерес появился к приключениям и опасности, а к учебе заглох. Какой БРСМ?! Еще "руку кремля" приплетите и "три поколения атеизации"...
0
фелікс / адказаць
12.02.2019 / 19:34
Глядзіце каб стораж сам не падзякаваў за удар нажом - там жа сын вертыкальшчыка. Пэўна таму і палезлі, што сын. Вертыкаль і міліцыя амаль непадсудныя.
0
Казік / адказаць
12.02.2019 / 22:08
Мы ў дзяцінстве з сябрамі таксама ўсюды гойсалі. І аднаго разу залезлі на аўтабазу, ходзім між машынамі, і раптам з-за аднаго грузавіка выходзіць вартаўнік. Сэрца забілася, у галаве мітусіцца план уцёкаў, а з языка нечакана зрываецца: “добры дзень!”. Вартаўнік з намі павітаўся і кажа: “хадземце, распавяду пра машыны”. І правёў цэлую экскурсію, распавядаючы пра экскаватары, пад’ёмныя краны і бульдозеры. Даволі цікава было, і рэзаць нікога не хацелася)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28