Бургернай са скандальным дызайнам ад Арцемія Лебедзева нарэшце зрабілі звычайны лагатып
Год таму гомельская бургерная стала вядома на ўсю краіну не сваімі бургерамі, а дызайнам лагатыпу, які за 1700 даляраў зрабіла студыя Арцемія Лебедзева.
Тады ў сеціве на гэты лагатып з'явілася шмат пародый, мемаў. Шэдэўр Лебедзева не абмярковаў толькі лянівы.
І вось на старонцы маскоўскага брэйдынгавага агенцтва «Востраў свабоды» з'явілася інфармацыя пра тое, што гаспадар установы ўсё ж вырашыў змяніць дызайн.
«Шмат хто ведае гісторыю пра тое, як студыя Арцемія Лебедзева рабіла лагатып для бургернай «JohnФёдор», як кліент падумаў, што з яго смяюцца, як усе хайпанулі на гэтым, як у інтэрнэце з'явілася маса мемаў на гэтую тэму, якія блукаюць да гэтага часу. Але як жа бургерная?
Уладальнік бургернай «JohnФёдор» звярнуўся ў наша агенцтва з просьбай зрабіць больш прыдатны яго пазіцыянаванню лагатып, які таксама быў бы зручны ў выкарыстанні на шыльдах, упакоўцы, у сацетках і г.д.
Мы пастараліся адлюстраваць усе гэтыя якасці ў новым фірменным стылі бургернай «JohnФёдор».
У бургернай адказалі, што іх уладальнік знаходзіцца ў камандзіроўцы і адказаць зможа толькі дзён праз дзесяць.
