Знайсці
13.02.2019 / 10:49РусŁacБел

16 лютага — прэзентацыя рамана Ганны Севярынец «Гасцініца «Бельгія» ў «Акадэмкнізе»

Кнігарня «Акадэмічная кніга» (пр.Незалежнасці, 72).

Магазін «Акадэмічная кніга» запрашае 16 лютага а 14 гадзіне на аўтограф-сесію Ганны Севярынец з нагоды выхада яе новай кнігі «Гасцініца «Бельгія».

Каханне, Горад і Час — галоўныя героі гістарычнага рамана, прысвечанага адной з самых прыгожых, амбітных, яскравых і трагічных старонак з жыцця беларускай літаратуры.

«Мне важна адзначыць, што ў рамане «Гасцініца «Бельгія» амаль няма мастацкага вымыслу. У кожным разе, ён тут мінімальны, — піша Ганна Севярынец. —

Я імкнулася аднавіць прастору і час такімі, якімі яны сапраўды маглі быць з 1925 па 1932 год, і на гэтым няпростым, але захапляльным шляху зразумела, колькі багаццяў хавае ў сабе наш горад, ягоныя вуліцы і завулкі, колькі намаганняў — валанцёрскіх, нічым не аплачаных! — прыкладаюць менскія гісторыкі, краязнаўцы, экскурсаводы дзеля таго, каб аднавіць і захаваць горад такім, якім ён быў, распавесці і перастварыць ягоныя легенды, не даць загінуць у вечнасці ягоным жыхарам. Калі вам, як і мне калісьці, падаецца, што Менск — горад без гісторыі, без харызмы, без легенды, не верце сабе. У Менска ёсць усё - мы проста лянуемся ведаць і шукаць».

Падчас аўтограф-сесіі кніга будзе прадавацца са зніжкай у 5%.

РУП «Акадэмічная кніга» УНП 101462648

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера