Даслаць навіну
Знайсці
11.02.2019 / 21:50 34

Арцыбіскуп Кандрусевіч пра забойствы ў Стоўбцах: Тры пакаленні атэізацыі не прайшлі дарма

Арцыбіскуп Тадэвуш Кандрусевіч напісаў зварот з нагоды трагедыі, якая 11 лютага адбылася ў Стоўбцах.

Павялічыць выяву

У стаўбцоўскай школе №2 здарылася трагедыя — навучэнец 10 класа нажом забіў настаўніцу і аднаго вучня і моцна параніў яшчэ дваіх школьнікаў.

Мы пытаемся ў сябе: як такое магло здарыцца ў спакойнай і памяркоўнай Беларусі? Як хлопец, якога характарызуюць як неканфліктнага, мог здзейсніць такое жудаснае злачынства? Хто ў гэтым вінаваты?

Спадзяемся, што з часам следчыя органы выявяць матывы трагедыі. Сёння, аднак, такая складаная сітуацыя змушае нас засяродзіцца над духоўнымі прычынамі таго, што здарылася ў Стоўбцах.

Яшчэ зусім нядаўна мы дзівіліся таму, што ў амерыканскіх школах, супермаркетах і вуліцах страляюць, забіваюць і калечаць людзей, у тым ліку і дзяцей. Але падобная практыка становіцца рэальнасцю жыцця мірнай Беларусі. Сродкі масавай інфармацыі ўсё часцей паведамляюць аб рознага роду злачынствах, здзейсненых у нашым грамадстве: маці выкідвае на сметнік немаўлятка, сын забівае бацькоў, малады чалавек з бензапілой нападае на жанчыну ў гандлёвым цэнтры. Цяпер трагедыя ў стаўбцоўскай школе…

Шукаючы прычыны гэтых і падобных трагедый, недастаткова засяроджвацца толькі на сацыяльных прычынах ці сямейных абставінах, у тым ліку на сямейным гвалце, супраць якога Касцёл быў і застаецца. На наш погляд, прычына больш глыбокая.

Тры пакаленні атэізацыі не прайшлі дарма. У выніку гэтага працэсу чалавек адарваўся ад каранёў духоўнага жыцця — Евангелля і вучэння Касцёла.

За апошнія тры дзесяцігоддзі сітуацыя змянілася, але не настолькі, каб максімальна спрыяць сапраўднаму духоўнаму адраджэнню.

На якіх асноватворных прынцыпах выхоўваецца сёння моладзь, на выхаванне якой найбольшы ўплыў маюць не сям’я і школа, а інтэрнэт і сродкі масавай інфармацыі? Што там бачаць дзеці? Найчасцей гвалт, забойствы, алкаголь, наркотыкі, амаральны стыль жыцця і г.д.

Сёння мы молімся аб Божай міласэрнасці для нявінна загінулых і выздараўленні для параненых, а таксама спачуваем іх блізкім і знаёмым.

Разам з тым, калі мы шукаем прычыны гэтай жудаснай трагедыі, то перадусім павінны звярнуць увагу на праблему духоўнага выхавання маладога чалавека. Гэта той падмурак, на якім павінна будавацца будучыня моладзі, як будучыня нашай Бацькаўшчыны.

Без падмурку нельга збудаваць дома. Такая будова падобна да дома, збудаванага на пяску, які змыюць патокі вады і разбураць вятры, як кажа Хрыстус. Без духоўнага падмурку няма будучыні.

У такой складанай сітуацыі мы павінны задацца пытаннем: «Quo vadis, Belarus? — Куды ідзеш, Беларусь?»

catholic.by

1
хамса / адказаць
12.02.2019 / 13:19
Дизайнер прадэманстраваў сваю вменяемость, што Рэд. не змог гэта надрукаваць
2
Максим Дизайнер / адказаць
12.02.2019 / 13:41
Атеюги негодуэ!Страшна возвращаться в этот атеистический рай, где накинуть себе веревку на шею - личное дела каждого человека, а не страшнейший грех.
5
Аляксандр1006 / адказаць
12.02.2019 / 13:53
Ну гэта ўжо нейкі піяр царквы на смерці людзей. Атэізм тут ні пры чым.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28