Даслаць навіну
Знайсці
12.02.2019 / 09:41 11

Пачаўся суд над рэдактаркай Тут.бай. Публіка сустрэла яе двуххвіліннай авацыяй

12 лютага пачаўся суд над Марынай Золатавай, галоўнай рэдактаркай партала Tut.by. Пры апытанні сведкаў, супрацоўнікаў БелТА, высветлілася, што ў дамовах БелТА з кліентамі да 2019 года не была прапісаная забарона перадаваць паролі доступу да платнага кантэнту трэцім асобам.

Павялічыць выяву

Павялічыць выяву

Фота Радыё Свабода

9:51

Прыйшлі старшыня Беларускай асацыяцыі журналістаў (не блытаць з Беларускім саюзам журналістаў) Андрэй Бастунец і ўсё кіраўніцтва гэтай арганізацыі, былая старшыня БАЖ Жанна Літвіна. У зале таксама — шматлікія блогеры, сярод іх бачу Эдуарда Пальчыса, Антона Матольку, Арамаіса Міракяна. Прысутны былы палітвязень Шчукін. 

Павялічыць выяву

Прадстаўнік пасольства ЗША, фота Вольгі Шукайла

9:50

На ўваходзе прысутных правяраюць на рамцы металашукальніка.

9:48

Грацыёзнаю хадою ў залу зайшла карэспандэнтка дзяржаўнага тэлеканала АНТ. Адгадайма, які будзе рэпартаж і ці дадуць у ім слова другому боку — Марыне Золатавай і яе адвакату.

9.40

Для суда аддалі найбольшую залу ў судзе Маскоўскага раёна. Яна змяшчае 170 чалавек. Задоўга да пачатку каля яе сабраліся дзясяткі людзей. Сярод прысутных — рэдактары «Народнай волі» Іосіф Сярэдзіч і БелаПАН Ірына Леўшына, дыпламаты краін Еўрапейскага саюза і ЗША, дэпутатка Ганна Канапацкая. Прыйшлі шматлікія калегі Марыны Золатавай з Тут.бая ў майках «Банальны хакер». 

* * *

12 лютага пачынаецца суд над Марынай Золатавай, галоўнай рэдактаркай партала Tut.by.

Золатава — апошні фігурант так званай «справы Белта». У жніўні 2018 года 14 журналістаў розных выданняў (Tut.by, БелаПАН, «Беларусы і рынак») абвінавацілі ў несанкцыянаваным доступе да камп’ютарнай інфармацыі, якая належала дзяржінфармагенцтву Белта. Калі казаць прасцей, то журналістам паставілі ў віну, што яны незаконна карысталіся паролямі, якія давалі доступ да платнага кантэнту на сайце Белта.

А пачалося ўсё — па версіі галоўнай рэдактаркі Белты Ірыны Акуловіч — з таго, што ў дзяржінфармагенцтва нібыта паступілі скаргі на праблемы з аўтарызацыяй ад платных падпісчыкаў. Тады кіраўніцтва Белты звярнулася ў міліцыю, каб там разабраліся.

У офісах Tut.by і БелаПАН прайшлі вобшукі. У той жа дзень Беларускае тэлебачанне апублікавала праслухоўванне тэлефонных размоў рэдактарак Tut.by Марыны Золатавай і Ганны Калтыгінай, што падавалася як відавочны доказ іх віны.

Вобшукі прайшлі і ў кватэрах журналістаў. Затым пачаліся затрыманні. На некалькі сутак у СІЗА змясцілі супрацоўнікаў Tut.by Марыну Золатаву, Ганну Калтыгіну, Галіну Уласік, Ганну Ермачонак, галоўную рэдактарку БелаПАН Ірыну Леўшыну, рэдактара сайта «Беларусы і рынак» Аляксея Жукава, аглядальніка «Нямецкай звалі» Паўлюка Быкоўскага.

Былі заведзеныя крымінальныя справы. Але з цягам часу ад крымінальнай адказнасці вызвалілі ўсіх, акрамя галоўнай рэдактаркі Tut.by (праўда, астатніх журналістаў і рэдактараў пакаралі адміністратыўнымі штрафамі, абавязалі выплаціць розныя сумы, каб кампенсаваць шкоду). А Марыне Золатавай выставілі абвінавачванне ў бяздзейнасці службовай асобы. Пакаранне — ад штрафу да 5 гадоў пазбаўлення волі.

Лёс Золатавай будзе вырашаць суддзя Аляксандр Петраш.

«Будзем прыкладаць усе сілы, каб даказаць, што гэта дзіўная справа. Наколькі гэта паўплывае на вырак — цяжка сказаць, паглядзім. Але я ж аптыміст», — дала кароткі каментар перад судом Марына Золатава.

Сяргей Гезгала

3
Слаўка / адказаць
12.02.2019 / 13:08
Я бы гэтаму БЕЛТА [Рэд. - выдалена]
1
AlesGut / адказаць
12.02.2019 / 15:57
Мацей Бурачок, не сьмяшы. Ва ўмовах акупацыйнай дыктатуры існуюць толькі тыя СМІ, якім дазволілі. А гэны "суд" усяго толькі чарговы этап у "нармалізацыі Зісера"
0
дзядзька Рыгор / адказаць
13.02.2019 / 00:20
Дзiўны суд, вельмi дзiўныя абвiнавачваннi.
Цi быў устаноўлены факт кродзежу тых пароляў, калi i хто iх скраў. 
Няўжо сама Золатава?
Калi выкарыстоўваўся пароль, якi быў перададзены трэцiм бокам, то гэта не забаронена паводле дагавору.
У чым сутнасць абвiнавачванняў, не зразумела.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30