17-гадовы бяспраўнік падчас пагоні ўрэзаўся ў машыну ДАІ і паехаў далей
У Драгічынскім раёне 17-гадовы бяспраўнік, уцякаючы ад ДАІ, зладзіў аварыю з патрульным аўтамабілем, паведамляе ДАІ.
Супрацоўнікі ДАІ Драгічынскага РАУС вечарам 3 лютага дзяжурылі на дарозе Мікіцк — Завершша. Паблізу адной з вёсак у поле зроку інспектараў трапіў аўтамабіль «Нісан». Заўважыўшы патрульную машыну, кіроўца раптам спыніўся і пагасіў светлавыя прыборы, але праз некалькі хвілін працягнуў рух.
Праваахоўнікі вырашылі спыніць легкавік, аднак хлопец праігнараваў патрабаванні і паспрабаваў знікнуць. Уключыўшы маячкі, інспектары сталі пераследаваць парушальніка. Пры павароце кіроўца «Нісана» сутыкнуўся з патрульным аўтамабілем, але працягнуў ехаць далей. Неўзабаве дарожнага хулігана затрымалі. Ім аказаўся 17-гадовы мясцовы жыхар, які не мае пасведчання кіроўцы.
На хлопца склалі 5 пратаколаў.
