Памёр 35-гадовы рэпер Дэцл — ВІДЭА з апошняга канцэрта

Памёр расійскі рэпер Кірыл Талмацкі, які выступаў пад псеўданімам Дэцл.

Пра гэта ў сваім Facebook паведаміў бацька музыканта Аляксандр Талмацкі.

«Кірылы больш няма», — напісаў ён.

Канцэртны дырэктар выканаўцы Павел Белянец паведаміў, што прычынай смерці рэп-выканаўцы стала спыненне сэрца, музыкант памёр пасля канцэрта ў Іжэўску.

«Сёння ўначы ён выступаў у Іжэўску. Пасля выступу пайшоў у грымёрку, праз некалькі хвілін яму стала дрэнна. Папярэдняя інфармацыя — у яго адбылося спыненне сэрца, і ён памёр», — сказаў Белянец.

Талмацкі нарадзіўся ў 1983 годзе. Кар'еру ён пачаў у канцы 1990-х, узяўшы сцэнічны псеўданім Дэцл.

0

0

0

0

0

0