Даслаць навіну
Знайсці
29.01.2019 / 15:29 11

Гулец зборнай Украіны перайшоў у газпрамаўскі «Зеніт». Як такое стала магчымым?

29-гадовы ўкраінец Яраслаў Ракіцкі падпісаў кантракт на 3,5 года з піцерскім «Зенітам». Да гэтага ў біяграфіі футбаліста быў усяго толькі адзін клуб — данецкі «Шахцёр», за які ён правёў больш за трыста гульняў.

Павялічыць выяву

Ва Украіне, вядома, такі трансфер не ўспрынялі з энтузіязмам. На Ракіцкага ляціць досыць шмат крытыкі. Але самім пераходам у клуб «Газпрама» там мала хто здзівіўся. А чаму так?

Сам Ракіцкі з гарадка Першатравеньск Днепрапятроўскай вобласці. У абласным цэнтры, Дняпры, жывуць і бацькі гульца. У трынаццаць гадоў ён трапіў у школу данецкага «Шахцёра», дзе прайшоў усе прыступкі сталення.

Ракіцкі — цэнтральны абаронца. Адзін з найбольш надзейных у сваім амплуа на постсавецкай прасторы. Здаецца, Украіна павінна толькі радавацца такому выканаўцу, але не ўсё так проста.

І хаця Ракіцкі правёў звыш пяцідзесяці матчаў за нацыяльную зборную Украіны, але балельшчыкі ўсё адно заставаліся ім незадаволеныя.

Справа ў тым, што Ракіцкі прынцыпова ніколі не выконвае нацыянальны гімн Украіны. А яшчэ не трымае руку на сэрцы, калі ён выконваецца. Натуралізаваныя бразільцы трымаюць, а Ракіцкі — не.

«Я ведаю словы гімна, але не спяваю. Проста так не спяваю. Настройваюся на матч, каб паказаць найлепшую гульню», — казаў ён.

Дае падставу для размоваў Ракіцкі і іншымі ўчынкамі. Напрыклад, ён ніколі не выказваўся ў падтрымку ўкраінскіх салдатаў, якія ваююць на ўсходзе краіны. Затое аднойчы лайкнуў са свайго акаўнта ў інстаграме парад у гонар чарговай гадавіны «ДНР». Калі пра гэта пачаліся размовы, то «падабайку» футбаліст выдаліў.

Іншы гулец данецкага «Шахцёра» Андрэй Пятаў у свой час увогуле фоткаўся з сепаратыстамі з георгіеўскімі стужкамі. Трэнера зборнай Андрэя Шаўчэнку нават прасілі не выклікаць гэтых футбалістаў у стан зборнай.

Ракіцкі вельмі любіць родны Данецк. Ён набівае на скуры татуіроўкі з выявай горада. А пасля перамог піша: «Данбас, ты ў нашых сэрцах, гэтыя перамогі дзеля вас».

У сацыяльных сетках футбаліст Ракіцкі можа павіншаваць жыхароў Данецка з Днём шахцёра, затое заўсёды ігнаруе афіцыйныя ўкраінскія святы. Ездзіў на адпачынак у Крым ужо пасля акупацыі паўвострава.

Летась пасля гульні «Шахцёра» і кіеўскага «Дынама» адзін з балельшчыкаў кіяўлян выскачыў на поле і ўдарыў Ракіцкага. Той адрэагаваў спакойна: «Гэта балельшчыкі, гэта нармальна. Я прапанаваў яму выйсці адзін на адзін, але той адмовіўся».

Калі ўжо стала вядома пра пераход у «Зеніт», то фанаты «Шахцёра» напісалі ў сваім твітары: «Рак [мянушка Ракіцкага — «НН»], выбар не ўхваляем. Але дзякуй за прыцэлы, оптыку, спальнікі і другія рэчы, дзякуй!» Ясна, што ніякай дапамогі байцам АТА Ракіцкі не аказваў.

Цяпер заўзятары спрачаюцца, ці варта Ракіцкага далей выклікаць пад сцягі зборнай. Зрэшты, ці паедзе сам Яраслаў.

Зміцер Панкавец

31
НЕ Памяркоўны / адказаць
29.01.2019 / 22:40
А почему не упомянули лидера украинской сборной  Е.Коноплянко, который -  третий сезон с логотипом Газпрома на груди, успешно выступает в немецкой Бундеслиге за "Шальке-04"?
14
меркаванне / адказаць
29.01.2019 / 23:06
Павел Ас, гэты дамбасёр Украіну не любіць і гаворыць, што Данбас расейскі. Так што хай валіць і не вяртаецца. 
18
Мiцька / адказаць
29.01.2019 / 23:40
Нива, а почему это невозможно?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30