Даслаць навіну
Знайсці
24.01.2019 / 12:11 29

«У фільме «Т-34» беларус — чалавек, які не мае ўласнага меркавання, працавіты і прыдатны да выканання загадаў»

Павялічыць выяву

Фота: wikipedia.org.

У пракат выйшаў расійскі фільм «Т-34». Гэта геройская сага пра часы вайны. На фільм адгукнуўся беларускі гісторык Віталь Еўмянькоў.

«Учора паглядзеў кінастужку «Т-34». Расійскай вытворчасці, а дакладней — вытворчасці Мікіты Міхалкова. 

Адразу хачу сказаць, што я супраць любых нацыянальных стэрэатыпаў і клішэ. Мне не істотна, якой чалавек нацыянальнасці, абы быў людскім. Але ў стужцы вядзецца акурат пра гэтыя самыя стэрэатыпы. Яшчэ адно… Да прагляду «Т -34» я меркаваў, што кіно пра Крым — гэта і ёсць «хатынь». Насамрэч, сапраўдная «хатынь» — гэта шэдэўр Міхалкова.

Распавядаю… Зіма 41-га, немцы пад Масквой, на фронце з’яўляецца малодшы лейтэнант, танкіст. Ён атрымлівае заданне: раскалашмаціць роту фашыстаў. Адным танкам — роту фашыстаў, Карл! Ды я не пра героя, я пра герояў. Пра экіпаж танка «Т-34». Кіроўца вусаты, высокі дзядзька — беларус.

Павялічыць выяву

І размаўляе амаль па-беларуску, на трасянцы. Зараджаючы — украінец. І размаўляе ўкраінскаю. І беларус, і ўкраінец падпарадкоўваюцца рускаму лейтэнанту. І б’юць немца, скубуць, нібы воўк авечку! Раптам танк падбіты. Рускі выцягвае беларуса з машыны, украінец гіне. Усё, украінскай тэмы больш нямашака. Застаюцца толькі рускі і беларус. Адчуваеце гістарычны кантэкст?

Мінае колькі год. Нямецкі канцэнтрацыйны лагер. Ізноў лейтэнант і зноў беларус. Сядаюць у Т-34 і расхерачваюць палову Нямеччыны. Месца ўкраінца займае другі рускі. Сюжэт настолькі банальны, што нават амерыканскім блакбастарам сорамна і няёмка за сцэнарыста.

Але я не пра сцэнарый, я пра ідэалогію стужкі: перамога беларуса і рускага, без украінца. На мой погляд, гэта відавочная маніпуляцыя: расійскаму гледачу як бы навязваецца меркаванне: усё, мы больш не маем пры сабе сярэдняга брата, ёсць толькі малодшы брат. Няхай нязграбны, няхай не заўжды зразумелая яго мова. Але брат!

Тое, што вобраз беларуса адлюстраваны ў святле сяброўства — добра! З аднаго боку! З другога насцярожвае тое, як выяўлены гэты вобраз — як не маючага ўласнага меркавання, працавітага, прыдатнага да выканання загадаў мужыка-селяніна. Акурат гэтак нас адлюстроўвалі палякі на пачатку ХІХ стагоддзя. Беларус (у польскай тэрміналогіі — «русін») — гэта затурканы, працавіты і бяскрыўдны халоп. Ці не падобнае ў гэтым шэдэўры ад студыі «Тры Т» Міхалкова?

Часам трэба глядзець расійскае кіно, каб назіраць за праявамі калектыўнага несвядомага суседзяў. Менавіта гэтак яны на нас і глядзяць. І гэта не добра, і не дрэнна. Гэта медыцынскі, на маю думку, прыкры для нас факт», — піша Еўмянькоў.

Віталь Еўмянькоў, facebook.com.

17
кеша коршатый / адказаць
24.01.2019 / 22:32
Zmicier, а чего тогда кино нормальное не снимаете, или всё бабло уходит на спортивные развлечения царя-султана, а мышиный народец лишь способен полушёпотом возмущаться на кухнях, курилках, в интернете(ах да, после последнего изменения Шуневича народец "фильтрует базар" даже в интернете?)))
1
Базыль / адказаць
27.01.2019 / 16:52
Глянуў на ўсялякі выпадак гэтае кіно.
Механіка-беларуса па ходу змалявалі з партрэта прэзідэнта Рэспублікі Беларусь...
Забыліся, праўда, гадзіннік на правую руку начапіць.
PS. А ўвогуле - ляп на ляпе...
0
Тамара Васильевна / адказаць
21.02.2019 / 12:41
Во-первых, любой член экипажа должен не подчиняться, а выполнять приказы командира, какой бы национальности он ни был; во-вторых, выбор фамилии типа "Ивушкин" (с суффиксами "ушк-юшк" характерны для таких российских национальностей, как мордва, еврей, реже русский, что подчёркивает многонациональность России, и невозможно утверждать, что командир танка русский, тем более, что он маленького роста, что не характерно для чисто русских. В-третьих, от всего сердца соболезную автору: ведь искать то, чего априори не существует -- явный симптом шизофрении.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30