Даслаць навіну
Знайсці
23.01.2019 / 22:41 4

Улады адмянілі рашэнне аб высылцы каталіцкага ксяндза з Салігорска

Павялічыць выяву

Улады Беларусі адмянілі сваё ранейшае рашэнне аб непадаўжэнні дазволу на служэнне айцу Сабеславу Тамалі з Салігорска.

Гэтую інфармацыю пацвердзіў «Нашай Ніве» в.а. прэс-сакратара Канферэнцыі Каталіцкіх Біскупаў у Беларусі ксёндз Юрый Санько.

Касцёл атрымаў факс ад упаўнаважанага па справах рэлігіі аб тым, што айцу Сабеславу дазвол на служэнне падоўжаны на паўгода. 

Паўгода — гэта звычайны тэрмін для такога падаўжэння. Касцёл звычайна просіць аб падаўжэнні тэрміну перабывання на год, а дазволы выдаюцца часам на год, часам на паўгода, а часам на тры месяцы.

Высылка беларускамоўных ксяндзоў, хоць і польскіх грамадзян, выклікае незадаволенасць вернікаў. Як паведамляла старшыня парафіяльнай рады касцёла Святога Францішка ў Салігорску, петыцыю з пратэстам супраць высылкі а. Тамалі падпісалі больш за 300 жыхароў горада. Адначасова тры сотні каталікоў Віцебска падпісалі ліст пратэсту супраць высылкі айца Паўла Кнурка.

Віцебчукі не ўспрымалі а. Паўла Кнурка як чужаземца, бо «адпраўляў набажэнствы, прамаўляў казанні і размаўляў з людзьмі на добрай беларускай мове», — гаворыцца ў тым лісце.

«Мы перакананыя, што для людзей, якія сеюць дабро, любоў і сапраўдную веру, Беларусь павінна заўсёды трымаць дзверы адчыненымі. З таго, што яны раптам зачыняюцца перад кімсьці, вынікае, на наш погляд, толькі шкода ды напружанасць у грамадстве», — гаварылася ў звароце вернікаў да ўпаўнаважанага ў справах рэлігіі Леаніда Гулякі.

На перадкаляднай прэс-канфэрэнцыі біскуп Віцебскі Алег Буткевіч звяртаў увагу на «пэўныя складанасці з запрашэннем святароў з замежжа, не толькі з Польшчы».

Вакансіі святароў у Віцебскай дыяцэзіі пакуль немагчыма кампенсаваць ксяндзамі-беларусамі. На падрыхтоўчых курсах у духоўнай семінарыі навучаюцца цяпер усяго два чалавекі з дыяцэзіі.

У той жа час за апошнія тры гады (2016—2018) улады не далі аніводнага дазволу на служэнне ў Віцебскай дыяцэзіі замежнікам — каталіцкім святарам альбо манашкам.

За такімі крокамі праглядаецца жаданне ўладаў зменшыць у краіне лічбу ксяндзоў грамадзян Польшчы. У той жа час, напрыклад, праваслаўным мітрапалітам з'яўляецца грамадзянін Расіі Павел (Панамароў), хоць паводле закона ім мусіў бы быць грамадзянін Беларусі.

nn.by

0
bell / адказаць
23.01.2019 / 22:57
Калі добра размаўляюць і працуюць на беларускай мове, то ім трэба даваць від на сталае жыхарства. Тады ніякія візы непатрэбны будуць. Зараз патрэбна падтрымка Беларусі і з Захаду.
10
Amallvisus / адказаць
24.01.2019 / 12:25
Дед Мороз, Пашка адзін, а сярод ксяндзоў замежнікаў - траціна! Парытэту ніяк не атрымліваецца;)
1
Стэфанія Ліцвінка / адказаць
24.01.2019 / 14:28
Чаму хтосьці напрыклад, Гуляка ці праваслаўныя атэісты павінны вырашаць каму служыць і на якой мове ў маім касцеле ці ва ўсіх каталіцкіх храмах. Дзяржава нічым матэрыяльна і маральна не дапамагае, а наадварот прыніжае каталіцкую веру. Канешне не адкрыта, але не двухсэнсоўна. Усе утрымліваецца коштам парафіян і Ватыкана. А каталіцкі Карытас колькі усяго зрабіў дабрачыннага. І усім справа да нашых ксяндзоў і касцелаў. Я полька па нацыянальнасьці,  мая родная мова беларуская,  я тут ад нараджэння і буду  да апошніх. дзен.Заўседы хаджу на польскія імшы, я так хачу- гэта мая воля, і кожны мае права на свае. Чаго лезеце? Усюды лезуць у душу , у лес , у веру. У кожным выпадку павінны вырашаць самі вернікі, а не ідыелагі і праваслаўныя атэісты. У іх  няхай служаць хоць кітайцы на кітайскім, каталікам усе роўна.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31