Віцэ-прэм'ер Італіі абвастрае сварку з Францыяй: Макрон — жудасны прэзідэнт
Італьянскі міністр унутраных спраў Матэа Сальвіні назваў французскага лідара Эмануэля Макрона «жахлівым прэзідэнтам» у каментарах, якія, безумоўна, нададуць напружанасці спрэчцы з суседам па іміграцыі. Пра гэта піша AP.
Сальвіні, лідар правай «Лігі», заявіў, што справа не ў французскім народзе, а ў «Макронe, які шмат прамаўляе і мала дасягае, які дае ўрокі высакароднасці, а затым разварочвае тысячы мігрантаў на італьянскай мяжы».
«Калі Макрон настолькі добры, ён можа даказаць гэта фактамі, пусціўшы тысячы бежанцаў, якія знаходзяцца ў Італіі, якім ён абяцаў гасціннасць, разам з іншымі еўрапейскімі краінамі», — сказаў Сальвіні.
Прэм'ер-міністр Італіі Джузэпэ Контэ паспрабаваў знізіць напружанне, сцвярджаючы, што «мы не абмяркоўваем нашу гістарычную дружбу з Францыяй ці з французскім народам».
«Нягледзячы на палітычную дыскусію, адносіны застаюцца моцнымі і ўстойлівымі», — сказаў Контэ.
Французскае МЗС у панядзелак выклікала пасла Італіі пасля таго, як намеснік прэм'ер-міністра Італіі Луіджы Дзі Маё абвінаваціў Парыж у стварэнні беднасці ў Афрыцы і масавай міграцыі ў Еўропу.
Сальвіні падтрымаў Дзі Маё і адзначыў, што Францыя не зацікаўленая ў стабілізацыі сітуацыі ў Лівіі з-за сваіх энергетычных інтарэсаў.
