Пенсіянер з Бярозы выратаваў пры пажары суседа-інваліда

У Бярозе пры пажары пацярпеў інвалід першай групы. Мужчына з апёкамі 25% цела шпіталізаваны, піша 112.by

Інфармацыя аб узгаранні паступіла ў РАНС 21 студзеня ў 20.56. Пажар адбыўся ў летняй кухні, якая належыць 65-гадоваму мужчыну, які пакутуе на захворванне апорна-рухальнага апарата. Агонь знішчыў дах, перакрыцці. Да прыбыцця падраздзяленняў МНС гаспадара будынка выратаваў 63-гадовы сусед. Пацярпелага з папярэднім дыягназам «тэрмічныя апёкі рук, спіны першай-трэцяй ступені» шпіталізавалі ў райбальніцу.

Прычына пажару высвятляецца.

0

0

0

0

0

0