Медыянны заробак у Віцебскай вобласці не дацягнуў да 400 рублёў
Самая высокая медыянная зарплата сярод рэгіёнаў у Мінска — 977 рублёў. Гэта вынікае з даных, якія апублікаваў Белстат.
Двойчы ў год Белстат праводзіць абследаванне і публікуе інфармацыю пра медыяльны заробак (яго атрымлівае работнік, які знаходзіцца ў сярэдзіне заробнага спіса). Зыходзячы з гэтых абследаванняў, можна адсочваць, у тым ліку па галінах эканомікі, які працэнт працуючых атрымлівае сярэднюю зарплату, які вышэй, а які ніжэй.
Мінск, які ў рэйтынгу ўзроўню сярэдняга заробка звычайна ў лідарах, па медыяльным заробку ў лістападзе 2018 года таксама ўзначаліў спіс — 977 рублёў.
У Мінскай вобласці — 749,7 рубля.
Паводле інфармацыі галоўнага статыстычнага ўпраўлення Брэсцкай вобласці, у гэтым рэгіёне медыянны заробак за лістапад мінулага года склаў 693 рублі.
У Гомельскай вобласці медыянны заробак за гэты ж месяц склаў 686,6 рубля.
Следам ідуць Магілёўская і Гродзенская вобласці, дзе паказчык медыяльнага заробка быў на ўзроўні 683,2 і 676,1 рубля адпаведна.
А вось у Віцебскім рэгіёне, паводле галоўнага статыстычнага упраўлення, медыянны заробак работнікаў склаў толькі 387,9 рубля.