Знайсці
16.01.2019 / 18:561РусŁacБел

Здарэнне на Вілейшчыне: шукалі збітага цягніком мужчыну, а знайшлі толькі след на снезе

Гісторыя пачалася ноччу 12 студзеня ў Куранцы.

Каля гадзіны ночы ў міліцыю патэлефанаваў мужчына, жыхар Маладзечна, і сказаў, што ў Куранцы яго пабіў мясцовы жыхар, распавялі «Рэгіянальнай газеце» ў Вілейскім РАУС.

Міліцыя выехала на месца. Знайшлі таго, хто біў, знайшлі сведак. Толькі вось заяўнік недзе згубіўся. І мабільны тэлефон яго быў недаступны.

Праз некаторы час у міліцыю патэлефанавалі супрацоўнікі вілейскага чыгуначнага вакзала і паведамілі, што цягнік «Мінск-Віцебск», магчыма, збіў чалавека. Машыніст заўважыў яго на ўзбочыне.

Міліцыянеры пайшлі да месца, якое ўказаў машыніст, але там убачылі толькі памяты снег і сляды. Калі пайшлі па слядах, прыйшлі ў лес, дзе знайшлі мужчыну.

Ім аказаўся той самы жыхар Маладзечна, які тэлефанаваў з Куранца. Мужчына быў у стане алкагольнага ап’янення. Расказаў, што ён хацеў дабрацца дамоў і заблукаў.

Рэгіянальная газета

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера