Паркоўка ў «Дана Моле» цяпер будзе платнай
З'явіліся чуткі, што паркоўка ў ГЗЦ Dana Mall стане платнай. У адміністрацыі цэнтра CityDog.by гэтую інфармацыю пацвердзілі. Праўда, па тэрмінах яшчэ нічога дакладна сказаць не могуць.
— Платную паркоўку мы вырашылі ўводзіць таму, што Dana Mall знаходзіцца ў такім месцы, дзе паркоўка «забіваецца» транспартам тых, хто не з'яўляецца наведвальнікамі нашага гандлёвага цэнтра. Некаторыя мінчане і жыхары прыгарада пакідаюць машыны на суткі, а рэальныя наведвальнікі цэнтра «кружаць» і не могуць знайсці месца для свайго аўтамабіля. Таму будзе ўсталяваны бясплатны перыяд для наведвальнікаў, каб можна было «падсекчы» тых, хто карыстаецца гэтай паркоўкай не па прызначэнні, — адзначылі ў адміністрацыі Dana Mall.
Якраз цяпер у гандлёвым цэнтры вызначаюць час сярэдняй паркоўкі машын людзей, якія прыязджаюць у Dana Mall па пакупкі і забаўкамі — гэтыя некалькі гадзін і зробяць бясплатнымі.
— Таксама ў нас будзе працаваць сістэма, якая зможа распазнаваць па набытых квітках рэальных наведвальнікаў нашага кінатэатра. Для іх на час прагляду фільма — а гэта гадзіны чатыры — паркоўка таксама будзе бясплатнай. Калі чалавек захоча пакінуць машыну на больш доўгі час, то яму давядзецца плаціць па тарыфах, якія мы ўсталюем, — паведамілі ў гандлёвым цэнтры.
Першы час усе парковачнае абсталяванне будзе бясплатна працаваць у тэставым рэжыме. Калі будзе гатовая ўся неабходная дакументацыя з банкамі і падатковымі, адміністрацыя ГЦ абвесціць дату, з якой пачне дзейнічаць платная паркоўка і паркінг. Цана, як сказалі ў адміністрацыі Dana Mall, «будзе такая ж, як па горадзе».
