Падчас начных гонак па Мінску BMW разбіўся аб слуп ФОТЫ
Мінулай ноччу на скрыжаванні праспектаў Любімава і Дзяржынскага ў Мінску аўтамабіль BMW урэзаўся ў слуп, паведамляе abw.by.
Ёсць інфармацыя, што хуткасць аўто была вельмі высокай. «Кіроўца ганяўся з Audi, не даў рады кіраванню і наехаў на слуп. У салоне быў адзін, пашкодзіў нос, забрала «хуткая», — паведаміў сведка.
Паводле яго слоў, «на 180-ці увайшоў у слуп недзе. Усё здарылася каля гадзіны ночы»…
«Сёння каля 00.50 27-гадовы кіроўца BMW рухаўся па праспекце Дзяржынскага з боку вуліцы Голубева ў напрамку вуліцы Касманаўтаў. У раёне скрыжавання праспектаў Дзяржынскага і Любімава аўтамабіль сышоў у некантраляваны занос і наехаў на асвятляльную мачту. Кіроўца атрымаў траўмы рознай ступені цяжкасці, у салоне аўто знаходзіўся адзін», — паведаміла ДАІ.
