Правілы бяспекі зімой. МНС рэкамендуе
Правілы бяспечных паводзін пры галалёдзе:
— не стойце і не хадзіце пад навіслымі над галавой ледзяшамі;
— абыходзьце вадасцёкі фасадаў дамоў;
— па магчымасці не падыходзьце блізка да сцен будынкаў;
— не заходзіце ў зоны агароджы участкаў тратуараў;
— карыстайцеся абуткам з рэльефнай падэшвай;
— абыходзьце замерзлыя лужыны, схілы, лесвіцы;
— перасоўвайцеся, наступаючы на ўсю падэшву;
— асцярожна пераходзіце дарогу.
Калі Вы паслізнуліся:
— прысядзьце, каб знізіць вышыню падзення і змякчыць удар аб зямлю;
— не спяшайцеся падняцца, пераканайцеся, што няма траўмаў;
— папрасіце прахожых дапамагчы Вам;
— калі з'явіўся рэзкі боль, ня рухайцеся;
— выклічце хуткую дапамогу па тэлефоне «103».
Калі пры руху Вы пачулі наверсе падазроны шум:
— не спыняйцеся;
— не падымайце галаву, каб паглядзець што здарылася;
— хутка прыцісніцеся да сцяны, брыль даху паслужыць хованкай.
Першая дапамога пры абмаражэнні і пераахаладжэнні:
— неадкладна перамесціцеся у цёплае памяшканне;
— зніміце абутак і вопратку;
— ухутайце пацярпелага пледам альбо коўдрай, напаіце гарачай гарбатай, кампотам;
— пры абмаражэнні накладзіце цеплаізаляцыйныя павязкі з марлі і ваты, ня пераціскаючы замарожаную паверхню;
— выклічце хуткую дапамогу.
