18 студзеня ў «Акадэмкнізе» — прэзентацыя ўнікальнай «Аўтабіяграфіі» Саламона Маймана
«Акадэмічная кніга» (пр.Незалежнасці, 72). Пачатак а 18:00.
Імя нашага выбітнага суайчынніка і знакамітага мысляра Саламона Маймана (1753-1800) заслужана займае месца сярод такіх выдатных філосафаў эпохі Асветніцтва, як Кант і Мендэльсон, Шылер і Гётэ. Але акрамя вялікай філософскай спадчыны Майман пакінуў нам і свае дзівосныя мемуары.
Гэта ўнікальны твор, якому няма роўных ані ў еўрапейскай, ані ў беларускай мемуарнай літаратуры XVIII стагоддзя, неацэнная крыніца па гісторыі побыту і нораваў Вялікага Княства Літоўскага.
Кніга выйшла пад рэдакцыяй кандыдата філасофскіх навук Антона Бархаткова ў перакладзе і з прадмовай Мітрафана Патоцкага.
У прэзентацыі возьмуць удзел філосафы Антон Бархаткоў і Павел Баркоўскі.
РУП «Акадэмічная кніга» УНП 101462648