Маладая пара ў Мінску рашыла пагуляцца ў калектараў: вывезла даўжніка ў гараж і выбівала грошы
У кастрычніку 30-гадовы мужчына вырашыў дапамагчы знаёмаму вярнуць доўг.
Разам з 26-гадовай сяброўкай сустрэўся з даўжніком каля аднаго сталічнага супермаркета. Падчас сустрэчы дамовіцца не ўдалося. Маладая пара забрала мабільны тэлефон даўжніка і запхнула яго ў аўтамабіль, выказваючы пагрозы, паведамляе СК.
Затым накіраваліся ў гараж, дзе абвінавачаныя спрабавалі зацягнуць пацярпелага ў падвал, але даўжнік аказаў супраціў.
Затым яны патэлефанавалі ягонай маці і запатрабавалі перадаць аўтамабіль коштам больш за 7 тыс. руб., пры гэтым неаднаразова выказвалі пагрозы прымянення гвалту да яе сына. Атрымаўшы адмову ў выкананні іх патрабаванняў, яны пакінулі даўжніка каля гаража і з'ехалі.
Дзеянні абвінавачаных кваліфікаваны па артыкулах «незаконнае пазбаўленне волі», «рабаванне», «вымагальніцтва». Крымінальная справа перададзена пракурору для накіравання ў суд
