Даслаць навіну
Знайсці
10.01.2019 / 15:23 3

Ваеннага камісара Слуцкага раёна затрымалі за хабар

Ваенны камісар Слуцкага і Старадарожскага раёнаў Аляксандр Петравец пакінуў сваю пасаду. Прычына банальная — на яго завялі крымінальную справу за хабар.

Павялічыць выяву

Па непацверджанай інфармацыі, Петравец браў грошы за дапамогу прызыўнікам пазбегнуць службы ў войску ці атрымаць адтэрміноўку.

Ходзяць чуткі, што разам з ім быў затрыманы яшчэ адзін супрацоўнік ваенкамата.

У ваенкамаце кажуць толькі: «Петравец у нас больш не працуе, цяпер пасаду начальніка займае Ігар Галь».

 «Наша Ніва» звязалася з жонкай Петраўца. Паводле яе словаў, муж цяпер дома. Пра крымінальную справу жанчына гаварыць адмовілася.

Але ў Следчым камітэце «Нашай Ніве» пацвердзілі — Петравец пад вартай.

«Упраўленнем Следчага камітэта па Мінскай вобласці расследуецца крымінальная справа ў дачыненні да былога ваеннага камісара Слуцкага і Старадарожскага раёнаў. Крымінальная справа распачата пракуратурай Мінскай вобласці па прыкметах злачынства, прадугледжанага ч. 3 арт. 430 Крымінальнага кодэкса Рэспублікі Беларусь (атрыманне хабару асобай, якая займае адказную пасаду). У цяперашні час мужчыну прад'яўленае абвінавачванне, з санкцыі пракурора да яго ўжытая мера стрымання ў выглядзе заключэння пад варту. Па крымінальнай справе праводзяцца следчыя дзеянні і аператыўныя мерапрыемствы, накіраваныя на ўсталяванне ўсіх абставінаў супрацьпраўнай дзейнасці», - распавяла Таццяна Беланог, афіцыйны прадстаўнік СК па Мінскай вобласці.

48-гадовы Петравец займаў сваю пасаду з 2013 года. Летась ён стаў дэпутатам Слуцкага раённага савета. Камісіі публікавалі інфармацыю пра даход кандыдатаў. Згодна з імі, Петравец зарабляў трохі больш за 1400 рублёў на месяц.

Цяпер Аляксандру Петраўцу пагражае да 15 гадоў.

 

УШ

2
Мікола / адказаць
10.01.2019 / 15:30
хіба ён ДМБ не глядзеў ?

Армии солдаты нужны. В армии без солдат абсурд и коррупция.


3
231 / адказаць
10.01.2019 / 15:35
Турма хай хабар там дае.
1
Владимир.Бобруйск / адказаць
10.01.2019 / 19:34
По лицу видно "честный",Расскажите нам,пожалуйста,какие были тарифы?
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31