Знайсці
09.01.2019 / 22:071РусŁacБел

Два праекты беларусаў атрымалі ўзнагароды на прэстыжнай міжнароднай тэхналагічнай выставе CES

Беларускія стартапы Teslasuit і Flo сталі лаўрэатамі Innovation Awards ад арганізатараў найбуйнейшай тэхналагічнай выставы CES, паведамляе Парк высокіх тэхналогій.

Разумны касцюм Teslasuit перамог у катэгорыі віртуальнай і дапоўненай рэальнасці.

Сэрвіс маніторынгу жаночага здароўя Flo выйграў у намінацыі «Праграмнае забеспячэнне і мабільныя праграмы».

«Мы вельмі шчаслівыя і рады атрымаць такое прызнанне. CES — адно з самых яркіх прафесійных мерапрыемстваў, якое аб'ядноўвае найлепшыя розумы і ідэі тэхналагічнай індустрыі», — адзначыў генеральны дырэктар Flo Дзмітрый Гурскі.

CES з'яўляецца найбуйнейшай выставай спажывецкай электронікі ў свеце. Сёлета сярод распрацовак, якія выклікалі інтарэс у наведвальнікаў — робаты, электратранспарт, разумныя тэлевізары, магчымасці 5G.

На пляцоўцы ў Лас-Вегасе ўпершыню дэманстраваліся прадукты, якія затым змянялі свет: ад відэамагнітафонаў і камер да гульнявых прыставак і CD.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера