Даслаць навіну
Знайсці
09.01.2019 / 20:32 13

Алена Анісім перанесла цяжкую аперацыю

Старшыня «Таварыства беларускай мовы», дэпутатка Палаты прадстаўнікоў Алена Анісім толькі ў пачатку студзеня выпісалася з лякарні. Канец мінулага года для яе быў не самым удалым — большую частку снежня яна правяла ў шпіталі, піша «Беларускі партызан».

Павялічыць выяву

Алена Анісім.

— Зараз пакрысе аднаўляюся, — распавяла Алена Анісім «Беларускаму партызану» пра сваё здароўе. — Вядома, аперацыя далася мне няпроста, хоць, на першы погляд, была не такой ужо складанай. Аперацыя была планавай, пра неабходнасць яе правядзення я даведалася летам, калі праходзіла паглыбленае абследаванне ў лячэбнай камісіі. Але я вырашыла адкласці хірургічнае ўмяшанне, паколькі ў мяне адначасова паўсталі яшчэ і праблемы з вокам і іх прыйшлося вырашаць у першую чаргу. Аперацыю на вока мне рабілі ў Бараўлянах, і калі ўсё нармалізавалася, я адважылася пайсці на іншую аперацыю. Прайшла ўсе абследаванні, 4 снежня легла ў лякарню ў Ждановічах, а 5-га мяне ўжо прааперавалі. На шчасце, дыягназ не самы страшны. Але я неяк усё вельмі цяжка перанесла, і перыяд аднаўлення быў няпростым, з ускладненнямі.

Са студзеня я, нарэшце, канчаткова выпісалася з лякарні. У мяне быў заняпад сіл, але цяпер патроху прыходжу ў норму і ўжо нават пачынаю выходзіць «у людзі».

Не магу сказаць, што я не звяртала ўвагі на сваё здароўе. Звяртала! Іншая справа, што не заўсёды ведаеш, што, дзе і калі стрэліць. Да 50 гадоў у мяне наогул вялікіх праблем з арганізмам не было. А потым неяк то адно, то другое… Ды і рытм жыцця паскорыўся. Я быццам бы ў Акадэміі навук таксама працавала вельмі інтэнсіўна, ну а калі прыйшла ў Палату прадстаўнікоў, не толькі работы, але і стрэсаў дадалося…

Вядома, канец года для мяне аказаўся няпростым. Але дзякуй тым людзям, якія мяне падтрымлівалі, наведвалі і не давалі мне закіснуць. Хочаш не хочаш, а даводзіцца шукаць нейкія сілы ўнутры арганізма, актывізавацца і зноў ісці наперад!

0
Алесь Раткевіч / адказаць
11.01.2019 / 13:56
Папраўляйцеся,шаноўная Алена Мікалаеўна! Можа якая патрэбна дапамога,паведамляйце,не саромцеся?!Чым зможам,дапаможам. Здароў'я,здароў'я і яшчэ раз здароў'я! 
0
Святлана / адказаць
12.01.2019 / 17:26
Папраўляйцеся! Усё будзе добра!
0
Алена Анісім / адказаць
13.01.2019 / 14:56
Дзякуй, паважаныя сябры, за падтрымку і добрыя пажаданні! Гэта акрыляе і надае сіл дя таго, каб ісці наперад, бо апошнія падзеі змушаюць нас усіх мабілізавацца дзеля будучыні нашай краіны і нашых дзяцей! Яшчэ раз усім вялікі-вялікі дзякуй!!!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31