Дактары прапануюць абмежаваць месцы для катання на цюбінгах
Больш за 100 непаўналетніх звярнуліся за зіму ў РНПЦ неўралогіі і нейрахірургіі з траўмамі пасля катання на цюбінгах, паведаміў кіраўнік Рэспубліканскага цэнтра дзіцячай нейрахірургіі кандыдат медыцынскіх навук Міхаіл Талабаеў сёння ў прэс-цэнтры БелТА.
«Усяго за снежань і гэтыя дні студзеня было шпіталізавана 35 дзяцей з «цюбінгавай» траўмай, трое з іх з цяжкай траўмай. Двух з іх аперавалі, аднаго нават двойчы», — сказаў Міхаіл Талабаеў. Паводле яго слоў, адзін пацыент застаецца ў рэанімацыі.
Кіраўнік цэнтра адзначыў, што цюбінгавая траўма непрадказальная. Хтосьці, атрымаўшы цяжкую траўму, выпішацца з медустановы праз пару дзён, а хтосьці пасля аналагічнай траўмы будзе лячыцца вельмі доўга і застанецца інвалідам.
Медыкі звяртаюць увагу, што наступствы некаторых траўмаў могуць выявіцца не адразу. Лекары лічаць, што неабходна абмежаваць месцы для катання на цюбінгах. У жылых зонах горкі можна пасыпаць пяском.