Даслаць навіну
Знайсці
09.01.2019 / 12:55 23

17-гадовы нясвіжац кінуў школу, каб займацца ютубам: хлопец здымае ролікі, дзе спрабуе прайсці скрозь сценку і вымавіць мяккі знак

Мікалаю 17 год, «Кандаураў» — гэта яго творчы псеўданім. Хлопец жыве ў Нясвіжы і не раскрывае сваё сапраўднае прозвішча: яму куды больш важна, каб людзі пранікаліся біяграфіяй яго персанажа, які пастаянна ходзіць у сонечных акулярах, спрабуе ператварыць ваду ў віно ці выклікаць Конара Макгрэгара на бойку.

«Гісторыя майго персанажа пішацца, легенда нараджаецца, таму я не хачу раскрываць усе карты», — кажа Мікалай.

Павялічыць выяву

Мікалай у сваіх роліках заўсёды паўстае ў фірмовых сонечных акулярах: з іх дапамогай ён аддзяляе сябе сапраўднага ад свайго выдуманага героя.

Мікалай завёў ютуб-канал у красавіку 2018 года, сёння на яго падпісаныя амаль 8 тысяч чалавек. Сумарная колькасць праглядаў самых папулярных ролікаў (пра тое, як Коля глядзеў у камеру 10 гадзін запар, спрабаваў вымавіць літару «ь» ці намагаўся выйграць у «камень-нажніцы-паперу» ва ўласнага адбітка ў люстэрку) пераваліла за 300 тысяч праглядаў.

«Я даўно зразумеў, што магу нешта новае і цікавае дадаць у ютуб-свет. Даць людзям у анлайне тое, чаго ім не хапала — таму і завёў свой канал. У роліках я раблю стаўку на гумар: хачу, каб людзі з іх дапамогай расслабіліся і атрымалі задавальненне ад прагляду. Ну і ў пэўныя відэа я, канечне, укладаю схаваны, зусім не павярхоўны сэнс. Але я магу рабіць і музычныя відэа, і драматычныя — мне не хочацца сябе абмяжоўваць».

Цікава, што да гэтага Мікалай ніякім чынам не праяўляў сябе на акцёрскай арэне: не граў у тэатральнай студыі, не гуляў у КВЗ… Ідэя для аднаго з самых залайканых ролікаў Мікалая — дзе ён спрабуе вымавіць мяккі знак — прыйшла да яго ў сне. Убачыўшы, што ютуб-аўдыторыі яго «сон» зайшоў, Мікалай пачаў эксперыментаваць у тым жа рэчышчы з іншымі літарамі, ставіць сабе першапачаткова немагчымыя задачы: напрыклад, удыхнуць і выдыхнуць адначасова.

Здымаць і рабіць мантаж усіх гэтых ролікаў Мікалаю дапамагае найлепшы сябар і калега Максім.

«Да таго, як мы пачалі нешта здымаць, Макс быў звычайным хлопцам, які ніколі ў жыцці не трымаў у руках камеру, але, мне здаецца, ён прагрэсуе на вачах і ператвараецца ў крутога аператара», — перакананы блогер.

Самым цяжкім сваім чэленджам Мікалай называе спробу не есці і не піць 4 дні. «У сваіх роліках мы ніколі не падманваем гледачоў, я сапраўды не еў і не піў 4 дні запар, каб потым прадэманстраваць свой стан на відэа. Насамрэч, нікому не раю паўтараць гэты эксперымент, было фізічна цяжка».

Відэа на дадзены момант — гэта галоўны занятак для хлопца. Каб займацца ім напоўніцу, ён скончыў 9 класаў і пакуль не будзе працягваць навучанне. «Пасля 9-га класа, якраз на летніх канікулах, мае ролікі пачалі здабываць папулярнасць, і я вырашыў, што хачу займацца менавіта імі. Мне гэта пачало прыносіць мінімальны даход на самыя неабходныя патрэбы, але галоўнае, што праца над відэа прыносіць мне нерэальнае задавальненне».

Бацькі Мікалая, звычайныя рабочыя, канечне, не адразу падтрымалі такое рашэнне сына, але ў выніку дазволілі яму самому тварыць свой лёс.

«Яны разумеюць, што гэта маё, а не іх жыццё, маё жаданне. Паступіць кудысьці ці пайсці на звычайную працу я заўсёды паспею. Я вельмі ўдзячны бацькам за разуменне», — кажа відэаблогер.

А вось браты і сёстры (Мікалай — са шматдзетнай сям’і) у захапленні ад таго, чым ён займаецца. «Часам яны нават падказваюць мне нейкія ідэі», — кажа Мікалай.

«Цяпер мы працуем над стварэннем мастацкага поўнаметражнага фільма — псіхалагічнай драмы. Хочам апублікаваць яго ў хуткім часе на канале. Да лета ж, калі нашаму каналу споўніцца год, марым мець 100 тысяч падпісантаў», — падзяліўся з «НН» сваімі планамі хлопец.

Гутарыла Кацярына Карпіцкая

0
karp / адказаць
10.01.2019 / 09:55
от беларусы, тока б пакрытыкаваць. чувак вырасце ў класнага рэжысёра абсурдыста, во пабачыце. класна, што ён можа самавыяўляцца, і што вы - не яго бацькі, якія б зачынілі яго ў кватэры і нічога б не дазвалялі праз сваё цемрашальства
0
андрушка / адказаць
11.01.2019 / 12:03
усё гэта цікава... але пры ўсім пры гэтым, такой лухтой можна займацца і не кідаючы школу
0
Адыкватник) / адказаць
11.01.2019 / 13:30
бред какой
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31