Даслаць навіну
Знайсці
08.01.2019 / 13:46 10

Стваральнікі кліпа, які здымаўся ў бацькоўскай хаце Лукашэнкі, атрымалі прэмію «За духоўнае адраджэнне»

Аляксандр Лукашэнка прысудзіў прэміі «За духоўнае адраджэнне» і спецыяльныя прэміі дзеячам культуры і мастацтва.

Павялічыць выяву

Скрыншот кліпа Алены Ланской «Куточак Беларусі»

Па выніках 2018 года прысуджаны чатыры прэміі «За духоўнае адраджэнне». Сярод лаўрэатаў — аўтарскі калектыў у складзе Юліі Быкавай і Яўгена Алейніка, якія былі адзначаны «за ўвасабленне тэмы малой радзімы ў сучасным эстрадным мастацтве, стварэнне цыкла высокамастацкіх вакальных твораў патрыятычнага напрамку», звяртае ўвагу Tut.by.

Юлія Быкава — аўтар музыкі і слоў, Яўген Алейнік — аранжыроўкі і запісу да песні Алены Ланской «Куточак Беларусi». Кліп да гэтай песні здымалі ў бацькоўскай хаце Лукашэнкі. «Гэты кліп не пра кагосьці асабіста, але ён пра кожнага з нас. У гэтым зборны вобраз дзяцінства кожнага беларуса ёсць і эпізоды з дзяцінства нашага кіраўніка дзяржавы», - распавядала Алёна Ланская.

У пачатку кліпа салідны мужчына ў класічным чорным паліто адкрывае браму вясковай хаты — той самай, прэзідэнцкай у Александрыі, - заходзіць у хату, сядае за стол, адкрывае фотаальбом. Той «ажывае» фотаздымкамі з дзяцінства. Вось хлопчык бяжыць па полі, імчыць на старэнькім ровары з авоськай хлеба міма гусей, косіць траву, арэ поле, сячэ дровы, ловіць рыбу, дапамагае маці даіць карову і пілуе бярвенне.

«Рабочыя» кадры змяняюцца фотам Александрыйскай школы, у якой вучыўся кіраўнік Беларусі. Ёсць у кліпе і дранікі, схопленыя з патэльні, і галоўны ласунак вясковага дзяцінства - чорны хлеб з варэннем.

Апроч таго, прысуджана:

калектывам Біблейскай камісіі Беларускай праваслаўнай царквы і Секцыі па перакладзе літургічных тэкстаў і афіцыйных дакументаў каталіцкай царквы камісіі Божага культу і дысцыпліны таінстваў пры Канферэнцыі каталіцкіх біскупаў у Беларусі за пераклад з арыгінальных моў і выданне кніг Новага Запавету на беларускай мове, што садзейнічае прымнажэнню духоўнай спадчыны.

калектыў Беларускага дзіцячага хоспіса ўдастоены прэміі «За духоўнае адраджэнне» за актыўную дзейнасць у гуманітарнай сферы, сцвярджэнне ідэй чалавекалюбства і міласэрнасці, значны ўклад у стварэнне нацыянальнай сістэмы дзіцячай паліятыўнай медыцынскай дапамогі, будаўніцтва на дабрачыннай аснове і арганізацыю работы дзіцячага хоспіса ў пасёлку Вопытны Мінскага раёна.

калектыў Веснаўскага дома-інтэрната для дзяцей-інвалідаў з асаблівасцямі псіхафізічнага развіцця за значны ўклад у сцвярджэнне маральных традыцый, ідэй чалавекалюбства і міласэрнасці, рэалізацыю мерапрыемстваў, накіраваных на сацыялізацыю асоб з абмежаванымі магчымасцямі.

Таксама былі прысуджаны дзевяць спецыяльных прэмій прэзідэнта дзеячам культуры і мастацтва. Сярод лаўрэатаў - народны артыст Беларусі Віктар Манаеў, адзначаны за стварэнне вострахарактарных вобразаў у спектаклях «Рэвізор» і «Школа падаткаплацельшчыкаў» Купалаўскага тэатра.

Уладальніца тытулаў «Міс Беларусь - 2018» і «Міс свету Еўропа» Марыя Васілевіч была ўдастоена ўзнагароды «за значны ўклад у развіццё міжнароднага культурнага супрацоўніцтва і актыўную дабрачынную дзейнасць».

0
кеша коршатый / адказаць
08.01.2019 / 23:25
Эхо, а кто воздвиг его в божество и сейчас гоняет на клипы царские? 
0
хамса / адказаць
09.01.2019 / 10:12
>а такой же как все мы, смени пластнинку...
і што вы мне прапануеце? змяніць на каго-небудзь з вас? а сэнс? калі такой жа
не сменю) а вы можаце проста не слухаць кружэлку.. бачыце нік і не чытайце.. нашто чытаць тое, што не падабаецца? гэта ў Мада беднага выбару няма) а  вас ёсць
1
хамса / адказаць
09.01.2019 / 10:25
Трактарыст-максімаліст, пазначыла ж у дужках - гаворка зараз не пра гэта.. не заўважылі, не? для асоба адораных там  кнопачка справа 'дызлайкнуць'.. але вы відаць асабліва адораны.. прабачце
>Гэты кліп не пра Беларусь, гэты кліп пра адну канкрэтную персону.
дык і бачна, што ў вас адна гэта персона ў галаве, а зусім не Беларусь.. тут шмат на сайце такіх.. у іх яшчэ і пуцін з расеяй у галаве.. прычым пуцін па ходу змагаецца за першынство з луканшэнкай у іхных галовах і перамагае з вялікім адрывам.. з тэмы ў тэму адны і тыя ж каментары, поўныя нянавісці.. казала ўжо - падобна што ў іх разуменні сапраўдны беларус не той, каторы любіць сваю Радзіму, а той, які больш ненавідзіць расею і пуціна
у кліпе нішто не ўказвае, што ён пра лукашэнку.. думаю - бываюць выпадкі, калі людзі прадастаўляюць свае дамы для здымак кліпаў і т.п., але ж гэта не азначае, што ён пра іх
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31