Жыхар Магілёва, які знік без вестак 1 студзеня, знойдзены мёртвым
Магілёвец, які знік без вестак 1 студзеня, знойдзены мёртвым, паведамілі ў Магілёўскай абласной міліцыі.
Паводле аператыўнай інфармацыі, 29-гадовы магілёвец працаваў на прадпрыемстве ў аграгарадку Рэчкі. У сельскім доме культуры гэтага ж аграгарадка ён святкаваў Новы год, і там яго п'яным бачылі мясцовыя жыхары. У навагоднюю ноч ён і знік. Пошукі пачаліся 2 студзеня пасля заявы ад родных. Мужчыну шукаў и атрад «Ангел».
Супрацоўнікі аддзела крымінальнага вышуку Кастрычніцкага РАУС Магілёва 5 студзеня знайшлі яго цела без прыкмет гвалтоўнай смерці ў нежылым доме ў аграгарадку Рэчкі Магілёўскага раёна. Паводле папярэдняй версіі, мужчына захрас у праёме цокальнага паверха (падвала), калі спрабаваў туды залезці. Абставіны і дакладную прычыну смерці вызначаюць эксперты і следчыя.
